Deja-vu

ورد وشيكولاتة

2012-02-19T06:23:00.000-08:00

وعدته أنها سوف تعاود الإتصال به بعدما تنتهي من بعض شئونها الخاصة وأنها سوف تحكي له حكاية عبر الهاتف حتي ينام ، فجلس ينتظرها حتي الساعات الأولي من الصباح إلا أنها لظروف ما لم تعاود الإتصال به فغلبه الإرهاق وراح في النوم ، واستيقظ في الصباح علي رنين الهاتف وكانت هي ، وكان حريصا علي أن يكون صوتها أول ما يسمعه في الصباح وكانت تعلم ذلك ... تبادلا أطراف حوار صباحي ممتع وقام بالذهاب إلي عمله منتشيا كعادته كلما هاتفته أو هاتفها في الصباح..... وعندما وصل إلي عمله حادثها هاتفيا فلم ترحه نبرة صوتها التي تشي بأن هناك ما يعكر صفوها فلم يستطع الاستمرار في عمله ووقرر أن يذهب إلي حيث تعمل وفي طريقه اشتري لها ثلاث وردات حمراء وشيكولاتة محلية الصنع تحبها هي كثيرا وكانت تغمره سعادة غامرة أرجعها إلي أنه سوف يراها وأنها قد تسر إذا فوجئت به علي غير موعد وما ان وصل إلي البناية التي تعمل بها حتي شرع في الإتصال بها فلم تجبه وحاول ثانية وثالثة ولا مجيب ... بعث إليها برسالة قصير أنه أمام البناية التي تعمل بها وانتظر ومرت عليه عشرة دقائق ثقيلة ولم يتلق جوابا ، فكر أن يصعد إليها حيث تعمل فلم تلق الفكرة قبولا لديه إذ أنه يخشي أن يسبب لها حرجا ما .. دلف إلي مدخل البناية وانتقي إحدى أصص الزرع التي تزينه ووضع فيه الشيكولاته ولم يعلم أين يضع الورود فأخذها معه وانصرف خائب السعي .... وفي طريق عودته أخرجه من شروده طفلة رائعة الجمال لم تتجاوز العاشرة من عمرها تمشي بصحبة أمها فتوجه إليهما بدون وعي واستوقفهما وأعطي الورود للطفلة التي سرت بها كثيرا بينما يعتري نظرتها الباسمة إليه بعض الإستغراب وتبادل ابتسامة سريعة مع امها التي شكرته وهي لا تقل استغرابا عن طفلتها وانصرف ..... لم يعلم إلي اين يذهب فقرر أن ينهي يومه سريعا ويعود إلي المنزل وهو في حالة غريبة من الهدوء الممتزج بخيبة الأمل ولم يتبادل كلمة مع أحد من أسرته .... دخل إلي غرفته واندس في فراشه بدون أن يغير حتي ملابسه ونظر إلي السقف طويلا متخيلا وجهها ينظر إليه باسما واخذ يمرر يديه في شعره متخيلا أنها يديها لا يديه وراح في سبات عميق .... ولم يستيقظ ثانية

جراحة

2012-02-19T05:52:00.002-08:00

أمسك بالمشرط بقوه وغرسه في صدره حتي المقبض وشق فيه فتحتان طولية وعرضيه ، ثم وضع المشرط جانبا واستعمل كلتا يديه لإخراج القلب من موضعه لم يفلح في إزالة اللون الأحمر منه ولكنه بحث حتي وجد ذلك المكان المنقوش فيه اسمها فطمسه ثم أعاد القلب إلي موضعه وقام بسد تلك الفتحة في صدره وأمسك بالمشرط ثانية ووضعه في رأسه بخفة ثم قام بشقها وأمسك بمخه وأخرجه وأخذ يبحث فيه عن كافة ذكرياته العالقة بها ، وجد أول لقاء بينهما ، كلمة أحبك بصوت واحد ونبرات مختلفة ، إيماءة ، نظرة حانية ، حفلة موسيقية ، قميص أبيض ، حذاء ، حافظة نقود ، فتاة صغيرة ، موسم الهجرة إلي الشمال ، مقهي ، مطعم ، ............ وشرع في إزالة هذا كله فتراكمت بجواره كومة من الذكريات التي لم يتخيل امتلاكها يوما ما ، ثم أعاد مخه إلي موضعه بعناية فائقة وأغلق رأسه ثم أحضر بعض أعواد الثقاب وأخذ في إشعال تلك الكومة من الذكريات ، ذكري تلو الأخري واستمتع برائحة شواء ذكرياته أيما استمتاع ..... ثم تهاوي علي منضدة الجراحة وهواء الغرفة معبأ بدخان الماضي ... لم يشعر يوما بمثل هذا الحنين للا أحد ولم تتساقط دموعه ودماؤه بمثل هذه الغزارة يوما ... جرجر قدميه حتي باب غرفة العمليات وأدار المقبض فانفتح الباب علي نفق من النور شديد البياض فوضع قدميه علي مدخل النفق ..... واختفي

جدران الروح

2012-02-19T05:42:00.002-08:00

بمرور الوقت ومع قليل من التأمل والانفراد بالذات روحك بتتحول لجدارية مكتوب عليها كل تطورات حياتك بحلوها ومرها ... الحزن واليأس متلازمة الناس اللي بتقدر تقري الجدارية دي لأنهم بيعرفوا ببساطة ان حياتهم عباره عن دواير جنب بعضها وانهم بدون سبب محدد بس حقيقي بيتشالوا من دايره لدايره بمجرد ما اللفة تخلص ، بدون وعي تقدر تتنبأ بنهايات كل الحاجات علشان هيا حصلت قبل كده وانتهت كده ... بس العشوائية في الإنتقال بين الدواير اللي فيها كل تفاصيل حياتك بتحسسك علي غير الحقيقة ان دايما في جديد بس لو بتعرف تقري جداريتك هتكتشف الخدعة وانك مش ماشي في خط مستقيم أو معوج انت في دايرة ...كمان في نتايج بتكتشفها منها ان البراءة والنقاء دول مش موجودين غير في الدايرة اللي ماكنتش فيها تقدر تاخد قرار وللاسف الدايرة دي هيا الوحيدة اللي مش بترجعلها تاني علشان كده دايما تدور عليها في الصور ودا سبب انك دايما بتنبش ألبومات صورك وانت صغير ( علي فكرة كلمة تنبش أنا قاصدها علشان للاسف الذكريات بتموت هيا كمان ومقابرها هيا الصور ) ... الزمن : مش مهم غير بره الدواير وبالتالي مع استمرارية انتقالك من دايرة لدايرة وعدم احساسك بالاطمئنان وانت بره الدايرة بيفقد الزمن أهميته ومش بتحس بيه غير في الشعر الأبيض ، التجاعيد ، قدرتك المتناقصة علي الضحك الصافي ، طعم الأكل ، الوجع الوجع : من الحاجات اللي عمرك ما بتقدر تتوصل لإحساس واحد ليها ربما لإنك بتبقي مصمم تنساه النسيان :تصرف لا إرادي بيحصل علشان انت مش بتبقي في الدايرة اللي انت عايزها علشان انت مالكش حق الاختيار الاختيار : فيه كدبة دايما بنقنع نفسنا بيها وهيا اننا أحرار في اختياراتنا بس الحقيقة دي حاجة مش بنعرف انها حقيقية أو مزيفة غير واحنا علي فراش الموت الموت : حاجة مش بترعبني بس لما بفتكرها مش عارف ليه بحس بحنين جارف للنومة الطويلة اللي المفروض مش هصحي منها وكمان بحس برعشة في جسمي كله ، حاجة كده تشبه احساسك لما بتيجي تحت الدوش فجأة المفاجأة : وهم دايما بتلجأله علشان تحس ان في حاجات جديدة في حياتك مثلا انت دايما بتنجح في حاجات كتير وبتبقي واثق من النتيجة اللي المفروض انك متعرفهاش بس كل مرة بتتفاجأ لما تعرف انك نجحت وتتنطط وترقص وكأن نجاحك المتوقع بالنسبالك كان شئ مجهول المجهول : الحاجات اللي مبتقدرش تشوفها دايما بتخوفك حتي لو كنت عارفها ،مثلا انت حافظ كل تفاصيل اوضتك بس لما بتطفي النور أقل صوت بتسمعه بيرعبك والمجهول مجرد احساس بتقنع نفسك بيه ان في حاجات متعرفهاش بس الحقيقي ان المجهول عمره ما بيجيلك وان انت المفروض تروحله لو عاوز تعرف المعرفة : الحاجة الوحيدة اللي بتخليك كالعير في البيداء يقتلها الظمأ والماء فوق ظهورها محمول ... كل حاجة عايز تعرفها موجودة جواك وبالرغم من كده عمرك ما بتعرفها من جواك مع ان الحكاية محتاجة بس شوية تأمل التأمل : رياضة مش ممكن تمارسها غير وانت في وسط الدايرة ولأن مكانك دايما عشوائي فمش بتقدر علي الرياضه دي غير لو قدرت تحدد مكانك المكان : انت نفسك عبارة عن شوية أماكن لو قدرت تجمعهم مع بعض تقدر ترسم صورة حقيقية لنفسك تخليك تحدد مدي جنونك الجنون : كل واحد مننا مجنون بطريقة أو بأخري بس المهم جنونك مختلف وللا زي اللي حواليك

أنس

2012-02-02T15:12:00.000-08:00

فقط رأيت ابتسامته فأحببته وأحسست كأني أعرفه ... نعم أنا أعرف هذا الوجه وأعرف تلك الإبتسامه ... برئ ...مرح ... ذكي ...محب للحياة ... أنس قتل ... فارق الحياة وهو لم يتعدي الخامسة عشر من عمره ... كيف قتل ؟ لا أعلم ..ربما قتلته ضربة في رأسه وربما داست عليه الأقدام وربما ألقي به من أعلي لكني متأكد من المعاناة التي أحس بها .. تري هل تساءل أنس عن هوية قاتليه ؟ هل قال لنفسه أنه من غير المعقول أن ما يراه يحدث علي يد آدميين ؟ هل تألم كثيرا قبل أن تفيض روحه ؟ هل كان يعلم أنه خرج ليشجع ناديه المفضل وأنه ربما لا يعود لأحضان أمه ؟؟ ... هل كانت أمه منهمكة في إعداد العشاء لصغيرها وتدندن أغنية من أغانيها التي طالما غنتها له في انتظار عودته بينما هو يقتل بلا رحمه ؟؟هل سألها أبوه عن رايها في فانلة الأهلي التي ابتاعها له ليحضر بها مباراة فريقه المفضل ؟؟ لا أكاد أصدق عيني ، هل خلق الله كائنا يستطيع قتل هذه البراءه ؟؟ لو كنت قاتلا مأجورا مكلفا بقتله مقابل أموال الدنيا ورأيته لاحتضنته ولقبلت قدميه طالبا منه الصفح لأنني كنت متخيلا أنني يمكنني سلبه ابتسامته .... استشهد ما يربو علي السبعين شابا ... وأنس ... أعلم تمام العلم أن حوادث اشتباكات مشجعي كرة القدم خلفت أعداد أكبر من الضحايا لكن لم يكن من بينهم أنس ... أعلم أن هناك كوارث طبيعية خلفت آلافا من الضحايا لكن لم يكن من بينهم أنس ... أعلم أن الثورات خلفت آلافا من الشهداء لكن لم يكن من بينهم أنس ...أعلم أن الحروب خلفت مئات الآلاف من الضحايا لكن لم يكن من بينهم أنس ... أعلم أيضا أننا في العام 2012 حيث التكنولوجيا ووسائل مكافحة الشغب المتقدمة وحيث حياة البشر تساوي الكثير وأعلم ايضا اننا في مصر وأننا لسنا بهذا العنف وعلي يقين من أنه لا يوجد مصري علي وجه الكرة الأرضية يمكنه أن يفقد أنس ابتسامته .. لكني أعلم أن لدينا عسكر وداخلية ، ذئاب جريحة تسعي للإنتقام من عددا من أنبل الشباب المصري لطالما ساندونا وتكفلوا بحمايتنا من طغيانهم وبطشهم ، لطالما تعاملوا مع قنابلهم المسيلة للدموع ورصاصهم وتلقوه في صدورهم وايديهم وارجلهم بدلا منا وهتفوا بسقوطهم في ملاعب كرة القدم التي طالما جمعتهم ألوفا مؤلفة بدلا من الهتاف لفرقهم التي يعشقونها....أعلم أن أحلامهم نمت وترعرعت في ظل ثورة كانوا من أصحاب الفضل في استمرارها .. أحبونا وساندونا وأحبو وطنهم بعد أن عثروا عليه في الميدان ... ايقنوا أن لهم وطنا وأنه يدعي "مصر" ... حلموا وحلموا وحلموا وحلموا ورأوا حلمهم علي بعد أمتار منهم .. أحرارا ،كراما،مرفوعي الرأس.. هرولوا ناحية الظلم أينما وجد ، حملوا جثمان الشهيد ، شيعوه ، مسحوا علي راس أمه ، تساقطت دموعهم رغما عنهم ، أقسموا ألا يفرطوا في حق الشهيد ، هرولوا ليقاوموا البطش والطغيان أينما وجدا ... لكنهم ما زالوا يحبون لعبتهم وفريقهم المفضل .. لا يمكن أن يتخلوا عن شئ أحبوه ...أغلقت الأبواب ، تحول الهمس إلي صوت جهوري ثم إلي مؤامرات... ثم اقتيدوا إلي حتفهم...سقط الأول والثاني والثالث والرابع والسبعين .... وسقط أنس

قال إيد واحده قال

2012-01-30T12:33:00.000-08:00

السنة اللي فاتت زي النهارده 30 يناير كنت نازل اشتري بطاطين لإعتصام التحرير من بولاق ابو العلا أنا ومها الأسود وأحمد يسري وريم داوود وكذا صديق وصديقه ... المهم اشترينا البطاطين وحملناها علي عربية نص نقل واتحركنا في اتحاه التحرير واحنا عند موقف الترجمان وقفتنا لجنة شعبية وطلبو يشوفو فاتورة البطاطين وفنفس الوقت راحو جابو ظابط شرطه عسكرية ... المهم مكانش معانا الفاتورة كنا نسيناها ف المحل فاتصلنا بصاحب المحل وبعتلنا فاتورة مع حد من عنده ووريناها للظابط فقاللي بصراحه مش هينفع اسيبكم تمشو لأني بلغت القائد بتاعي إني موقفكم ولو سيبتكم تمشو أنا هتئذي فهانتحرك للنقطه بتاعتنا ف رمسيس وننتظر لحد القائد ميوصل يشوف الفاتورة وتمشي علطول وبالفعل اتحركنا بالعربية مع الظابط والعساكر اللي معاه ووصلنا نقطة الشرطه العسكرية ف رمسيس وفضلنا واقفين نهرج مع الظابط ف انتظار القائد بتاعه وابتديت أقلق فكلمت مالك مصطفي وقلتله الحكاية وقلتله إننا غالبا هيتقبض علينا فقاللي متقلقش دالجيش لسه مطلع بيان إنه مع مطالب الشعب المشروعه فأنا فرحت جدا وعديت الطريق واشتريت صندوق راني ورجعت وزعته عالعساكر والظباط الموجودين ... وكان ف المكان كذا عربية بضاعه برضه ومعاهم الفواتير ومستنيين القائد زينا .... المهم وصل القائد وكان عميد اسمه عبدالقادر (هحتفظ ببقية إسمه لنفسي)... شاف فواتير كل الناس وومشاهم وف الآخر سأل علينا فرحتله وسألني انت جايب البطاطين دي كلها ليه دلوقتي .. أنا م ارتحتش لا للسؤال ولا لشكل الراجل داه فقلتله دي للعمال اللي بيباتو ف الشارع يحرسو المحلات ف التوفيقية بسبب اللي بيحصل ف التحرير فسألني وجبت الفلوس منين فقلتله دي تبرعات أهل الخير فقاللي واشمعني انت اللي جاي تشتريها ؟ قلتله أنا اللي فاضي فيهم فبصلي بغل وزعق وقاللي : عاجبك كده البلد بتخرااااااااااااااب .. قلتله البلد لا بتخرب ولا حاجه وربنا يبارك فيكم وأنا مبعملش غلط وانشاءالله اللي جاي خير وبعدين ليه حضرتك بتقول كده ؟؟ قاللي هتعرف كمان شوية .. فلقيته اصدر أمر بالقبض عليا أنا وأحمد يسري والسواق اللي معانا وقيدوا إيدينا ورجلينا وركبونا ف باص من بتوع الشرطه العسكرية لوحدنا وجاب رائد بسلاح آلي وقالله اللي يتحرك فيهم اضربه بالنار ... كانت رنة موبايلي ساعتها النشيد الوطني والموبايل كان قاعد يرن وأنا متكتف مش عارف ارد وكنت مفروس والرائد بيقوللي : وطني قوي ياخويا؟؟ وف الطريق للعباسية الناس قطعوا الطريق عالباص اللي احنا فيه وقعدوا يهتفوا الجيش والشعب إيد واحده والرائد نزللهم فقالوله إن فيه اتنين أمناء شرطه سارحين ف المنطقه بسلاح وبيضربوا نار ومش عارفين نعمل معاهم إيه ... فاتصل بالعميد عاللاسلكي وقالله فالعربية بتاعت العميد رجعت بضهرها بسرعة جنونية ونزل وزعق للرائد وقالله انت ازاي تقف من غير أمر يا سيادة الرائد؟ إحنا معانا خونااااااااااااااااااااااه (يقصدنا احنا يعني) الرائد رجع الباص وشد الأجزاء وحط سلاحه ف صدرنا وكملوا طريقهم وسابو الناس اللي غالبا حسوا إنهم معاهم خونه بجد ووصلنا المنطقه المركزية العسكرية وهناك لقينا تشكيل من اتناشر عسكري بسلاحهم حاوطونا تلاته من كل ناحية ومشونا ف طابور بعد ما فكوا رجلينا وسلاحهم موجه لينا لحد ماوصلنا مقر السرية 29 شرطه عسكرية وهناك استقبلنا نقيب خلاهم يفكوا إيدينا وسألني فيه إيه فقلتله إني محامي وقلتله نفس اللي قلته للقائد بتاعه ووريته فاتورة البطاطين فقاللي ماعلش ليله وتعدي وأمر العساكر يخلونا ف الميس وميدخلوناش السجن بتاع الوحده وأخد مننا كل متعلقاتنا وسابلنا الفلوس ... وقضينا ليلتنا ولقينا ف الميس برضه شوية شباب زي الورد وكلهم اللي كان رايح يجيب علاج لأمه واللي ماشي بسكينه علشان اللواء بتاع الجيش قال ف التليفزيون نهيب بالمواطنين حماية انفسهم وممتلكاتهم واللي مش من سكان القاهرة واللجان الشعبية قبضت عليهم وكان فيه خمس مساجين جنائيين كانو ف سجن أبو زعبل وخرجو م السجن ساعة فتح السجون وجم سلموا نفسهم للشرطه العسكرية علطول ... وكان باب الميس مفتوح عالفناء بتاع الوحده وجات دفعه جديده م المقبوض عليهم فقلعوهم هدومهم كلها وكهربوهم ولما أغمي عليهم سحبوهم زي الإشوله علي سجن الوحده وهكذا (الكلام دا أنا قلته لمراسل سكاي نيوز أول ما خرجت واللينك أهه http://news.sky.com/home/world-news/article/15926219 ) وصبح علينا تاني يوم وكان التليفزيون شغال عالمحور أو النيل للأخبار وكنت ابتديت أحس إن الإعتصام اتفض وأقلق وكانو كل شوية يبعتولنا عسكري من بتوع الأمن الحربي علشان يعرف احنا منين وإيه حكايتنا وطبعا مريحناهومش طبعا تفاصيل ان الأكل زبالة وغير آدمي واننا كنا بناكل هوهوز م الكانتين بسبب الأكل المعفن اللي كانو بيجيبوه وعدي تاني يوم ومفيش أي بوادر إننا نخرج و فاليوم التالي ابتديت أفكر أنا وأحمد يسري إننا نضرب عن الطعام وجالنا ساعتها عسكري كنا اتصاحبنا عليه قاللي انت اسمك مالك مصطفي عدلي ؟ قلتله ايوه دا إسمي الثلاثي قاللي متقلقش هتخرجو فيه ناس اتكلمت علشانكم وبتسأل عليكم وعالعصر ندهوا علينا وادونا متعلقاتنا وطبعا أخدو البطاطين ( بحوالي 6000 جنيه بطاطين ) ومشينا يوم 1 فبراير

دي ذكرياتي عن تلت أيام في ضيافة الجيش اللي كان عامل إنه منحاز وقتها لمطالب الثوار J
وف النهاية عايز اقول حاجتين : مش ناسيين البطاطين ياولاد الوس**ه ...... وانشالله يا رب تطفحو الراني اللي عزمتكم عليه

إرشادات قانونية للمتظاهرين

2012-01-23T15:52:00.000-08:00

من منطلق إيماننا التام بأن القوانين ليست خياما للنوم وأنها يجب أن تتسم بمواكبة العصر والتطور الاجتماعي والسياسي في المجتمعات المختلفة ومن واقع ما تشهده الساحة السياسية المصرية فإننا نستطيع القول وبوجه عام أن القانون رقم 14 لسنة 1923 المنظم لأحكام الاجتماعات العامة والمظاهرات الصادر عام 1923 منذ أن كانت مصر دولة يحكمها النظام الملكي وما تلا صدور هذا القانون من جلاء الإحتلال عن مصر وقيام الثورة وتحول الحكم إلي النظام الجمهوري واصدار خمسة دساتير واتساع مساحات الممارسة الديمقراطية وحرية التعبير عن الرأي في أنحاء العالم المختلفة وتوقيع مصر علي عدد من الإتفاقيات والمواثيق الدولية التي أصبحت جزءا من التشريع الداخلي المصري كل ذلك يدفعنا للقول بأن استمرار العمل بهذا القانون هو وجه من أوجه العبث حيث أن هذا القانون قد نسخ بموجب الدستور المصري والمواثيق الدولية التي تكفل هذا الحق وكانت مصر من بين الدول الموقعة علي تلك المواثيق التي يأتي علي رأسها الإعلان العالمي لحقوق الإنسان والعهد الدولي للحقوق المدنية والسياسية اللذان اصبحا جزءا لا يتجزأ من التشريع المصري بموجب تصديق مصر عليهما....

وبالتالي فإن الحق في التظاهر كأحد وسائل الإحتجاج السلمية وأحد أهم وسائل التعبير عن الرأي هو حق أصيل للمواطن المصري من المفترض ألا يستتبعه ترتيب أي مسئولية علي من يستعمل هذا الحق ....... ولكننا نفاجأ باستنفار أمني ملفت للنظر وممارسات عنيفة لقمع أية مظاهرات سلمية في مصر وتتمثل تلك الممارسات القمعية في مواجهة المتظاهرين إما بالإعتداء عليهم بدنيا أو لفظيا أو القبض عليهم وتلفيق عدة تهم أضحت معروفة سلفا لنا وبالتالي فإننا قد نستفيد من ذلك في الوصول لأفضل وسائل للتعامل مع تلك الأساليب بل والإستفادة منها في النيل قضائيا من عدد من الأشخاص الذين قد يرتكبون أفعالا تمثل جرائم في حق المقبوض عليهم أو المحتجزين فما هي تلك الاساليب وما هي وسائل مواجهتها ؟

أولا : بداية فإن المتظاهرين قد يتعرضون لمضايقات واستفزازات أمنية من قبيل الاعتداء علي أحد المتظاهرين أو منعه من الوصول للمظاهرة أو محاولة تفتيشه تفتيشا ذاتيا :

وفي تلك الحالة فإن وجود كاميرا بشكل خفي لرصد تلك الأحداث يكون مفيدا في توثيق الحالة واستخدام المادة المصورة كدليل إدانة ضد من يحاول الإعتداء أو يعتدي بالفعل علي الناشط وأيضا فإنه من المفيد محاولة معرفة اسم شخص المعتدي أو المتجاوز ، وبالنسبة لما يتعلق بمحاولة التفتيش الذاتي فإنه ليس من حق أحد تفتيش الشخص ذاتيا والعبث بمحتويات حقيبته أو ما يكون بحوزته إلا بأمر من النيابة العامة أو في وجود حالة تلبس لا تتوافر في الغالب لرجل الأمن وبالتالي فإن هذا التفتيش يكون باطلا ولا يمكن أن ينتج عنه ثمة ما يحمل صاحبه مسئولية قانونية من أي نوع لا سيما وأن ما قد يستفز أو يسترعي انتباه رجال الشرطة في هذه الحالة هو كون الشخص يحمل لافتات أو بيانات أو ثمة مطبوعات ونؤكد علي أنه يجب أن يكون هناك يقظة من المتظاهرين المتجمعين بالفعل لأن الغفلة أو صرف الإنتباه عن طرق الوصول لمكان التجمع قد يكون محفزا لرجال الشرطة للإتيان بمزيد من التجاوزات .

ثانيا : ما هي أسلم الطرق للوصول لمكان التجمع أو المظاهرة ؟

إن السير في مجموعات صغيرة في مثل تلك الحالات يكون من عوامل الأمان للنشطاء أو المتظاهرين فهو يشد من أزر الفرد ويخفف من حدة أسلوب التعامل مع النشطاء

ثالثا : في حالة إلقاء القبض علي الناشط ... ما هو الوضع ؟

نكون امام فرضين :

أولهما : أن من ألقي القبض علي الناشط قد يكون غرضه احتجازه لبعض الوقت ثم اخلاء سبيله

وثانيهما : أن إلقاء القبض قد يكون بغرض تحرير محضر والإحالة للنيابة :

وفي هذه الحالة فإنه يجب الإنتباه لعدة أشياء :

1 – في حالة وقوع اعتداء لفظي أو بدني فإنه يجب التركيز في واقعة الإعتداء بكامل تفاصيلها

2 – علي المحتجز في هذه الحالة أن يرفض التوقيع علي أية أوراق أو محاضر

3 – عليه أن يحاول معرفة اسم وشكل محتجزه أو صاحب الإعتداء عليه ورتبته إن أمكن

4 – احتجازك لمدة تزيد عن أربع وعشرين ساعة بدون العرض علي نيابة مختصة يعد جريمة احتجاز غير قانوني تستوجب عقاب فاعلها أو المتسبب فيها من رجال الشرطة

5 – لك الحق في إجراء مكالمة تليفونية بأحد ذويك أو محاموك

6 – من حقك مطالبة محتجزك أو من يريد احتجازك أو اتخاذ ثمة إجراء قانوني معك بالكشف عن شخصيته وأن يقدم لك ما يثبت صفته " المادة 24 مكرر من قانون الإجراءات الجنائية "

7- إذا كانت المحتجزة أنثي فلا يجوز تفتيشها إلا بمعرفة انثي

8 – احتجازك بمكان غير مخصص لذلك هو جريمة يعاقب عليها مرتكبها جنائيا وتأديبيا والأماكن المخصصة للإحتجاز هي فقط السجون واقسام الشرطة

9- ليس من حق أحد تقييدك من الخلف أو تعصيب عينيك وفي حالة حدوث ذلك فإنه جريمة معاقب عليها ويجب اثبات ذلك أمام النيابة

10 – في حالة التحقيق معك أمام النيابة فلا يجوز وجود أحد من رجال الشرطة داخل غرفة التحقيق

في حالة الإحالة للنيابة العامة ، ما هي التهم التي يواجه بها الناشط ؟

يواجه الناشط بعدة تهم متعارف عليها سلفا منها :

المشاركة في تجمهر يزيد عن خمسة أفراد الغرض منه بث الدعايات المثيرة وتهديد النظام العام عن طريق الجهر بالصياح والهتاف ، تعطيل المرور ، الدعوة لما من شأنه تعطيل مؤسسات الدولة عن أداء عملها ، عدم حمل بطاقة تحقيق شخصية

وهي كلها اتهامات هلامية يجب ألا تسبب لنا أي نوع من القلق أو الإرتباك ويجب أن تكون الإجابة علي أي اتهام بالنفي ، وأن يؤكد الناشط علي أنه لم يستعمل أكثر من حقه المقرر له بموجب الدستور والمواثيق الدولية في التعبير عن رايه بشكل سلمي وحضاري

- من حقك أن ترفض رفضا قاطعا التحقيق معك في عدم وجود محاميك وأن ترفض التوقيع علي أي أوراق .... عدم وجود محام معك اثناء التحقيق يؤدي لبطلانه

· سوف تسئل في آخر التحقيق : هل لديك اقوال أخري ؟

وفي هذه الحالة يجب أن تكون الإجابة نعم ونؤكد علي أهمية ذكر أي تصرف غير قانوني أو مخالفة لما سبق ذكره تمت معك :

- في حالة تعرضك لاعتداء بدني يجب ذكره وذكر طريقته والأداء المستخدمة فيه أو إذا تم باليد أماكن الإعتداء وشخص المعتدي ( يجب أن يكون هناك معتدي محدد إما بإسمه ورتبته أو بوصفه بشكل قاطع ) وإذا كان الإعتداء من أكثر من شخص يجب تحديد دور كل منهم في الإعتداء بشكل جازم

- في حالة تعرضك لاعتداء لفظي يجب ذكره وذكر الألفاظ التي وجهت إليك تحديدا واسم قائلها أو رتبته أو شكله تحديدا .... من مصلحتك القانونية ألا تستحي من ذكر ما قد يوجه إليك من الفاظ بذيئة بالنص

ويجب ذكر ما قد تم الإستيلاء عليه من متعلقاتك وتذكر من استولي عليها إما بالإسم أو الرتبه أو الوصف الذي يسهل الوصول لشخص المستولي علي متعلقاتك وأن نوجه له اتهاما رسميا بالإستيلاء عليها حتي يسهل علينا ملاحقته قضائيا في حالة عدم رد تلك المتعلقات .

ع-1

2012-01-20T12:35:00.000-08:00

ضابط في الخامسة والثلاثين من عمره يرمز إليه بالرمز ( ع - 1 ) .. حرف ( العين ) يعني أنه عرص لا يشق له غبار في التعريص ( واحد ) فيعني أنه الأول من نوعه هذا لأنه من نوع خاص .. فهو لا يجيد استخدام أي نوع من أنواع الاسلحة ويوم مابيمسك بندقية وللا عصاية جلد بيبقي يوم أزرق علي دماغنا ودماغ اللي خلفونا .. ولا يجيد اي فن من فنون القتال إلا الجري من عالحدود ومن قدام المتظاهرين العزل بس الشهاده لله برنس ف اللت والعجن والإشاعات والكدب وهتك الأعراض .. هذا بالاضافة إلى إجادته التامة لست لغات حية عربي وعربي مكسر وعامية ولهجة صعيدي وبحري وبيعرف كمان يتكلم بصباعه ...وبراعته الفائقة في استخدام أدوات التنكر والميكياج مرة يبقي ملكي ومره يبقي ميري وساعات بلطجي وساعات سواق تاكسي وساعات متظاهر أو معتصم ، وقيادة السيارات خاصة سيارات التاكسي الأبيض أبو عداد والتكاتك والموتوسيكلات وابعده عن المدرعات الله يكرمك علشان لو اتوتر بتبقي مشكله... .لقد أجمع الكل على أنه من المستحيل أن يجيد رجل واحد في سنه كل هذه المهارات ...ولكنه حقق هذا المستحيل ووقع الشعب كله ف بعضه ودهس وقتل وحرق وسحل وهتك أعراض وعرص وعمل صفقات علي قفانا ولحد دلوقتي صاغ سليم واستحق عن جدارة ذلك اللقب الذي أطلقته أنا عليه : العرص الأول (ع-1)

Pureté révolutionnaire et prostitution politique

2011-11-29T07:32:00.000-08:00

دي ترجمة لتدوينة :نقاء ثوري..عهر سياسي ...للغة الفرنسية ترجمتها زميلتنا نانسي

@nansy1203

علي مدونتها : http://nansypasha.wordpress.com/

Pureté révolutionnaire et prostitution politique…

Posted: November 29, 2011 in Uncategorized

Article original écrit en arabe par Malek Adly @malekadly – 24 novembre 2011

Dimanche le 20 novembre, autour de dix-huit heures, je me dirigeait vers l’avenue Mohamed Mahmoud pour participer à la bataille entre les jeunes et la milice du ministère de l’intérieur quand j’ai croisé trois jeunes qui se tenaient main dans la main. Un d’entre eux dit à ses copains avec sa voix joyeuse ‘si je tombe, ne reculez pas, sinon mon sang est versé en vain’ et ses amis lui répondent ‘Amen mon ami’ , je les regarde et je dis ‘que Dieu vous protègent les gars, faites attention à vous’ quand un d’entre eux réplique ‘C’est ou nous ou ces chiens dans ce pays, on vie digne ou on meurt’.

J’ai souri, j’ai continué mon chemin et je les ai perdus de vue dans la densité du gaz que lançait la milice de l’intérieur.

Le soir de la même journée, quelques amis m’ont appelé pour aller au cabinet de cytologie de Zeinhom pour le suivi des mesures prises durant l’inspection des corps des martyrs, et après une lutte acharnée avec le procureur, certains parents m’ont délégué pour assister à l’inspection des corps à leur place…. et à ma grande surprise j’ai vu les corps, brutalement blessés, des trois jeunes que j’ai rencontrés à l’entrée de l’avenue Mohamed Mahmoud, et comme je suis devenu familier avec ce genre de situation, j’ai essayé de traiter le sujet comme chose ordinaire, j’ai souri, un sourire de reconnaissance à ces pures jeunes et j’ai quitté le cabinet pour ensuite se diriger vers la Place Tahrir….

Je n’avais pas l’intention de raconter cette tragédie …mais je suis arrivé sur la place Tahrir et j’ai été frappé par notre hésitation, notre incapacité de prendre une décision ou d’unir le mot .. On parle d’une conférence de presse de Dr. ElBaradei ou d’autres candidats à la présidence, un autre insiste sur l’importance de choisir un gouvernement de sauvetage et écarte toute importance d’un conseil présidentiel, d’autres parlent des menaces des frères musulmans si jamais les élections sont reportées, et plusieurs arguments et exagérations des drogués de la politique.

La politique, mesdames, messieurs, est l’art du possible, tandis que la révolution est l’art de l’impossible et donc les rebelles sacrifient leurs vies volontairement et meurent debout et avec honneur tandis que les politiciens se plient chaque fois qu’ils sentent l’approche d’un danger. Le révolutionnaire est comme ces jeunes qui,avec toute pureté, donnèrent leur vie volontiers dans l’espoir de réaliser le rêve d’une vie décente à ceux qui les succèdent, le politicien est le manipulateur et le négociateur qui aime calculer ses pas afin de ne pas trébucher ou de ne pas brûler une carte de jeu, il veut gagner avec le moins de sacrifices possible, au moment où le révolutionnaire se sacrifie pour son rêve et ses principes indépendamment du résultat.

J’ai du mal à croire que le sang de ces jeunes n’a pas mis terme à nos querelles et n’a pas réussi à convaincre nos politiciens que nous sommes devant une vraie révolution qui nous donne droit d’aspirer à un rêve, à l’impossible et au meilleur, pas à un mi-chemin ni au disponible….

Réveillez-vous au nom de Dieu, unissez votre mot quelques soient les défis et les difficultés qui nous attendent, nous avons deux options: soit réussir la cause pour laquelle ses jeunes ont donné leurs vies, soit suivre leurs pas… et ils nous seront des bons compagnons.

دليل الناخب

2011-11-26T16:34:00.000-08:00

المقدمة دي كتبتها وأنا متفائل ومكانش لسه قبح المجلس ونواياه الخبيثة طلعت عالسطح وكنا متخيلين اننا نقدر نفرض إرادتنا عليهم بطريقة غير صدامية باعتبار انهم عالأقل هيحترموا نتيجة الاستفتاء اللي خرموا دماغنا بيه فماتآخذونيش :)

لأن البرلمان الجاي هيبقي عنده مهمه هتأثر علي مستقبلنا كلنا لسنين طويله جايه وهيا مهمة وضع الدستور الجديد ، ولأننا عندنا أمل انه يبقي برلمان حقيقي بيعبر عننا بجد بدل برلمانات التزوير والبلطجه ولحس الجزم اللي فاتت يبقي لازم نخلي بالنا من الانتخابات اللي هتجيب البرلمان داه ونعرف كل تفاصيلها ونبقي حريصين علي ان صوتنا يروح للي يستاهله ونعرف الحكاية ماشية ازاي بعد التعديلات الكتير اللي عملوها علي قوانين مباشرة الحقوق السياسيه ومجلس الشعب والشوري :

- طيب علشان يبقي من حقك انك تدلي بصوتك ف الانتخابات الجايه إيه الشروط ؟ المفروض تكون متوافره فيك الشروط اللي بتقول عليها الماده 1 من قانون مباشرة الحقوق السياسيه : انك يكوون عندك 18 سنه وطبعا تكون مصري ومتكونش بتشتغل لا في الجيش ولا في الشرطه ولا مجند طبعا

- طيب ممكن يبقي في حد متوافر فيه الشروط دي بس ميبقاش من حقه برضه يدلي بصوته ؟

طبعا ممكن في الحالات دي :

لو كان محكوم عليه في جناية أو محكوم عليه بالحبس في سرقة سرقة أو إخفاء أشياء مسروقة أو نصب أو إعطاء شيك لا يقابله رصيد أو خيانة أمانة أو غدر أو رشوة أو تفالس بالتدليس أو تزوير أو استعمال أوراق مزورة أو شهادة زور أو إغراء شهود أو هتك عرض أو إفساد أخلاق الشباب أو انتهاك حرمة الآداب أو تشرد أو في جريمة ارتكبت للتخلص من الخدمة العسكرية والوطنية، وكمان المحكوم عليه لشروعه ف ارتكاب واحده من الجرائم دي بشرط ميكونش الحكم مع إيقاف التنفيذ أو يكون المحكوم عليه إترد إليه اعتباره ، وكمان المحكوم عليه في جريمة من الجرائم الانتخابيه وكمان من سبق فصله من العاملين في الدولة أو القطاع العام لأسباب مخلة بالشرف ما لم تمر خمس سنوات من تاريخ الفصل إلا إذا كان صدر لصالحه حكم نهائي بإلغاء قرار الفصل أو التعويض عنه وكمان المحجور عليهم طول مدة الحجر والمصابين بأمراض عقليه طول مدة حجزهم في المصحه واللي تم إشهار إفلاسهم لمدة خمس سنين من شهر افلاسهم طالما ما اتردش اعتبارهم.

- طيب مطلوب من حضرتك أي إجراء معين علشان إسمك يبقي مقيد في الجداول الانتخابيه؟

الكلام دا كان زمان ودلوقت اسمك بيتقيد تلقائيا في الجداول الانتخابية بناء علي بيانات بطاقة الرقم القومي بتاعتك

- طيب مين اللي المفروض يحدد ميعاد الانتخابات ؟

المفروض يبقي ؤرئيس الجمهوريه بس المره دي هيبقي المجلس العسكري علشان لسه معندناش رئيس

-طب ومين بقي اللي بيشرف علي الانتخابات وينظمها ؟

المفروض يعمل كده هو اللجنة العليا للإنتخابات ودي لجنة برئاسة رئيس محكمة استئناف القاهرة وعضوية أقدم نائبين من نواب رئيس محكمة النقض ،وأقدم نائبين لرئيس مجلس الدولة ،وأقدم رئيسين بمحاكم الاستئناف تاليين لرئيس محكمة استئناف القاهرة

- طب وإيه مهمة اللجنه دي؟

خد عندك يا سيدي :

1- تشكيل اللجان العامة للانتخابات ولجان الاقتراع والفرز وتعيين أمين لكل لجنة.

2- الإشراف على إعداد قاعدة بيانات الناخبين من واقع بيانات الرقم القومي ومحتوياتها وطريقة مراجعتها وتنقيتها وتحديثها، والإشراف على القيد بها وتصحيحها

3- وضع وتطبيق نظام للرموز الانتخابية بالنسبة لمرشحي الأحزاب السياسية والمستقلين.

4- تلقي البلاغات والشكاوى المتعلقة بالعملية الانتخابية والتحقق من صحتها وإزالة أسبابها

5- وضع القواعد المنظمة لمشاركة منظمات المجتمع المدني المصرية والدولية في متابعة كافة العمليات الانتخابية.

6- وضع القواعد المنظمة للدعاية الانتخابية (على أن تتضمن هذه القواعد حظر استخدام شعارات أو رموز أو القيام بأنشطة للدعاية الانتخابية ذات الطابع الديني أو على أساس التفرقة بسبب الجنس أو الأصل.)

7- وضع قواعد توزيع الوقت المتاح خاصة في أوقات الذروة للبث التليفزيوني والإذاعي بغرض الدعاية الانتخابية في أجهزة الإعلام الرسمية والخاصة على أساس المساواة التامة

8- إعلان النتيجة العامة للانتخاب

9- تحديد مواعيد الانتخابات التكميلية.

10- إبداء الرأي في مشروعات القوانين المتعلقة بالانتخابات

- طيب واللجان الانتخابيه هتبقي عامله ازاي ؟

كل لجنة من اللجان دي هتبقي برئاسة قاضي ( عضو في أحد الهيئات القضائيه : القضاء العادي-مجلس الدولة-النيابة الإداريه-هيئة قضايا الدوله) وأمين للجنه يختص بمسألة الانتخاب بالنظام الفردي وأمين آخر يختص بمسألة النتخاب بالقائمه وعضوين ودول بيكونو من العاملين المدنيين بالدوله ( موظفين حكومه يعني)

- طيب كل قاضي هيبقي رئيس علي لجنة فرعية واحده ؟

من حقه إنه يرأس أكتر من لجنه فرعيه بشرط ميزيدش عدد اللجان دي عن تلاته وبشرط يضمها كلها في مكان واحد من غير فواصل

- طيب جوا اللجنه الفرعية دي ينفع يبقي فيه حد تاني ؟

طبعا لأن كل مرشح فردي من حقه يبقي ليه مندوب جوا اللجنه وكل ممثل قائمه مغلقه من حقه يبقي ليه مندوب جوا اللجنه وطبعا المرشح أو ممثل القائمه لازم يبلغ رئيس اللجنه كتابة باسم المندوب ولو عدد المندوبين كان أقل من اتنين بعد مرور نصف ساعه علي ميعاد بدء الانتخاب يبقي من حق رئيس اللجنه انه يختار من بين الناخبين الحاضرين اللي بيعرفو القراءة والكتابة ومقيدين في نطاق اللجنة ، ولو زاد عدد المندوبين على ثمانية والمرشحين ما اتفقوش عليهم يبقي رئيس اللجنة يختار تمانيه منهم بطريق القرعه وطبعا لو فاتت ساعة علي ميعاد بدء الانتخاب وعدد المناديب مش كامل أو رئيس اللجنه معرفش يعين مناديب يبقي تبدأ عملية الانتخاب

- طب فيه مناديب تانيين وللا وكلاء للمرشحين ؟

طبعا فيه حق لكل مرشح أنه يوكل عنه واحد من الناخبين من المقيدين في ذات الدائرة الانتخابية علشان يمثله أمام كل لجنة انتخابية عامة أو فرعية ويكون للوكيل داه حق الدخول في لجنة الانتخابات أثناء مباشرة عملية الانتخابات وأنه يطلب من رئيس اللجنة إثبات الملاحظات اللي يشوفها في محضر الجلسه ، ومالوش حق دخول قاعة الانتخاب في غير الحاله دي، والوكيل دا لازم يكون بموجب توكيل مصدق عليه من إحدى جهات الإدارة أو اللجنة الانتخابية بالمحافظة، ويكون التصديق بغير رسم ولو كان أمام إحدى الجهات المختصة بالتصديق على التوقيعات ولا يجوز أن يكون المندوب أو الوكيل عمدة أو شيخا ولو كان موقوفا.

- طب ولو عضو من أعضاء اللجنة أو واحد من أمنائها تغيب مؤقتا ؟

يبقي رئيس اللجنه يعين واحد يحل محله من بين الناخبين الحاضرين اللي بيعرفو القراءة والكتابة.

- طيب ومين المسئول عن حفظ النظام في اللجان الانتخابيه ؟ وهوا اللجان الانتخابيه دي هيا بس المكان اللي بيحصل فيه الانتخاب ( الأوده أو المكتب)؟

بص يا سيدي الوحيد المسئول عن حفظ النظام في اللجان الانتخابيه هوا رئيس اللجنه ومن حقه يستعين بالشرطه عند الضروره مع ملاحظة إن مش من حق أي حد من رجال الشرطه انه يخش القاعه اللي بيحصل فيها الانتخاب ولو حصل يبقي رئيس اللجنه لازم يثبت داه في محضر الإجراءات ، وبالنسبه لحدود اللجنه الانتخابيه فهيا عباره عن القاعه اللي بيحصل فيها الانتخاب والفضاء الللي حواليها ودا بيحدده رئيس اللجنه قبل بدء الانتخابات

- طيب ميعاد الانتخابات بقي من الساعه كام للساعه كام ؟

القانون بيقول انه من الثامنه صباحا إلي السابعه مساء ، يعني لو حضرتك رحت بعد الساعه السابعه مساء يبقي مش من حقك تدلي بصوتك ، لكن لو رحت قبل الساعه السابعه مساء ولسه ما أدليتش بصوتك والساعه بقت سبعه إوعي تروح لأن أي حد موجود داخل مقر اللجنه قبل الساعه سبعه مساء من حقه يدلي بصوته أيا كان الوقت اللي هتقفل فيه اللجنه الانتخابيه كل ما في الحكايه ان رئيس اللجنه المفروض يعمل كشف بأسماء الناس الموجودين ف اللجنه ولسه ما أدلوش بصوتهم ويتمكنو من انهم يدلو بصوتهم أيا كان الوقت

- طيب لما تدخل بقي علشان تدلي بصوتك إيه النظام جوا اللجنه ؟

المفروض ان رئيس اللجنه يديك بطاقة الانتخاب وتتأكد وانت بتاخدها انها مختومه من ضهرها بختم اللجنه وعليه تاريخ الانتخاب وطبعا من حقك تدلي بصوتك بسريه يعني محدش يشوف انت بتعمل ايه وبعد ما تخلص تطبق البطاقه وتسلمها لرئيس اللجنه يحطها ف الصندوق قدام عينيك وبعدين تحط صباعك ف الحبر الفسفوري وتمضي قدام اسمك ف الكشف .

عزيزي الناخب : عايز انتخابات ؟؟ خووووووووووووود انتخابات :)

حكاية شهيد

2011-11-26T09:40:00.000-08:00

بيشتغل إيه ؟ معرفش يمكن ميكانيكي أو ترزي أو مهندس أو قهوجي ...بس هوا شاب من اللي ابتسامتهم حلوه وأكيد مش منافق وبيحب البلد دي زيي زيك أو إحناللي بنحبها زيه ...اللي متأكد منه إنه عنده أب وأم واخوات بنات بيستنوه كل ليله يدخل عليهم بحاجه حلوة ...أكيد عنده موبايل صيني من اللي صوته عالي وبيضايق حضرتك ...أكيد عنده بنت بيحبها يمكن تكون بنت عمه أو بنت الجيران أو بنت صاحب الشغل ...أكيد عامل جمعية علشان يقبضها بدري علشان يعرف يجيب شقة إيجار جديد ويفرشها فرش بسيط ويجيب لأمه واخواته عبايات حلوة يحضروا بيها فرحه ... ولما سمع ان فيه ناس بتموت ساب اللي وراه واللي قدامه ونزل عالميدان ... بس مكانه مش وسط المتفرجين ... مكانه وسط المقاتلين ف الصفوف الاولي ...وجايزته طلقة ف القلب أو طلقتين أو تلاته بنعرفهم لما نحط صباعنا مكان الطلقة علشان نثبت لوكيل النيابة إنها طلقة نارية مش جرح غائر أو سطحي.... أبوه راجل طيب بيحتسبه عند ربنا ...أمه ست طيبه لابسه إسود حاضنة هدومه أو ما تبقي منها ونفسها تشوفه مرة أخيره وبنحاول نمنعها علشان المنظر وحش ... تصريح الدفن بيطلع...جنازة ...صراخ اخواته البنات ودموعهم اللي بتلسعك انت شخصيا ...أمه طبعا دموعها جفت من كتر العياط وأبوه تايه وبيسأل ليه ؟ بقي كده يا محمد "أيا كان إسم الشهيد" ............ نرجع عالميدان شايلين حزننا عالشهيد وحزن أهله علي اكتافنا وندور علي حد ياخد الحمل داه ويحوله لنور وأمل ومستقبل مشرق منلاقيش ...نرجع بيه بيوتنا وننام وهوا علي صدورنا ...ويوم بعد يوم يتحول الشهيد لرقم ...لورق ...لمبلغ مالي ...لصورة ...لحفلة تكريم ...وعمره مبيتحول لشئ من اللي مات علشانه ..

شكرا

نقاء ثوري...عهر سياسي

2011-11-25T16:40:00.000-08:00

يوم الأحد 20 نوفمبر حوالي السادسه مساء كنت بصدد دخول شارع محمد محمود للمشاركة في المعركة الدائرة بين الشباب وبين ميليشيات الداخليه واستوقفني ثلاثة شباب يتأبط كل منهم ذراع الآخر وأدهم يقول لرفاقه بصوت مرح " لو وقعت إوعو ترجعو أنا دمي ميروحش هدر " فيرد عليه أصدقاؤه " آمين يا صاحبي " فبادرتهم بالقول " بعد الشر عنكم يا شباب وخلو بالكم من نفسكم " رد علي أحدهم" ياحنا ياولاد الكلب دول ف البلد دي ويا نعيش بكرامه يا بلاش ... ابتسمت وأكملت طريقي وغابو عن نظري بسبب كثافة الغاز الذي كانت تطلقه ميليشيات الداخليه.

مساء نفس اليوم هاتفني بعض الأصدقاء للذهاب لمشرحة زينهم لمتابعة الإجراءات التي تتخذها النيابة اثناء معاينة جثامين الشهداء وبعد شد وجذب فوضني بعض الأهالي لحضور معاينة الجثامين بدلا منهم وقد كان .... فوجئت بالثلاثة شباب اللذين قابلتهم علي مدخل شارع محمد محمود جثثا هامدة داخل المشرحة ومصابين إصابات وحشية وباعتباري من مرتادي المشارح فلقد حاولت التعامل مع الموضوع باعتباره شئ وارد وابتسمت ابتسامة امتنان لهؤلاء الأطهار وغادرت المشرحة إلي ميدان التحرير .... لم أكن أنتوي أن أروي تلك الماساة التي قد لا تصادفونها أبدا طوال حياة اي منكم ...

واليوم فوجئت بنا جميعا متخبطين وعاجزين عن الوصول لقرار يوحد كلمة ميدان التحرير ..هذا يتحدث عن مؤتمر صحفي للبرادعي وغيره من مرشحي الرئاسه باعتباره حقيقة وآخر يتحدث عن كونه إشاعه وآخر يتباري مع محدثه حول أهمية حكومة الإنقاذ واستبعاده لأية جدوي من وجود مجلس رئاسي مدني ...وآخرين يتحدثون عن تهديد ووعيد الإخوان إذا تم الاتفاق علي أي شئ من شأنه تأجيل الإنتخابات وما إلي ذلك من ترهات الساسه ومتعاطيها ...

السياسة يا ساده هي فن الممكن بينما الثورة هي فن المستحيل ولذا يضحي الثوار بحياتهم عن طيب خاطر ويموتون واقفين وبشرف بينما ينبطح الساسه كلما أحسوا بدنو الخطر والفرق بين الثائر والسياسي أن الأول مثل هؤلاء الشباب الأطهار اللذين قدموا أرواحهم عن طيب خاطر أملا في تحقيق حلمهم بحياة كريمة لمن يلونهم بينما السياسي هو ذلك المناور والمفاوض والذي يحب أن يحسب خطواته جيدا حتي لا يتعثر أو تحترق أوراق لعبه ..باختصار يريد أن يربح بأقل قدر من التضحية بينما الثائر يضحي حتي بنفسه في سبيل حلمه ومبدئه بغض النظر عن مكسب محقق من عدمه

آلمني أن دم هؤلاء الشباب لم يضع حدا لهذه المهاترات ولم يقنع ساستنا المبجلين بأننا إزاء ثوره حقيقية من حقنا أن نصبو من خلالها إلي المستحيل إلي الحلم إلي الأفضل علي الإطلاق لا إلي الحلول الوسط أو المتاح .... أفيقوا يرحمكم الله وتوحدوا علي كلمة سواء أيا كانت التحديات والصعاب وليس أمامنا إلا أحد خيارين : إما أن ننجح في تحقيق ما قضي من أجله هؤلاء الشهداء وإما أن نلحق بهم وحسن أولئك رفيقا

مينا دانيال....وداعا

2011-10-11T07:28:00.000-07:00

"لو مت عايز جنازتي تطلع من التحرير"

كانت تلك هي وصية الشهيد مينا إبراهيم دانيال -25 سنه ...

الزمان : ميدان التحرير .... المكان : صبيحة يوم الحادي عشر من أكتوبر 2011 ننتظر جثمان الشهيد ليصل إلي التحرير لتنفيذ وصيته ، وتتوقف السياره التي تحمل الجثمان في نفس الموضع الذي كان يجلس فيه الشهيد مينا يوم 28 يناير مصابا في كلتا قدميه وذراعيه ويتحرك بصعوبه ونحاول إقناعه بمغادرة الميدان فيبتسم ويرفض مغادرة الميدان

الزمان: مشرحة المستشفي القبطي .... المكان : مساء يوم التاسع من أكتوبر أبحث بجنون عن جثمان الشهيد مينا وسط الجثامين المتراصه داخل المشرحه ... رائحة الموت تزكم الأنوف والصراخ يرتفع من كل الحناجر ودموع الأمهات والآباء تغسل أرض المشرحه ... أكشف الأغطيه البيضاء من علي الجثامين وتفجعني نظرات الشهداء التي تسأل بإلحاح " بأي ذنب قتلت " ، وألتفت يمنا فأجد جثمان الشهيد مينا مسجي علي رخامه بيضاء بكامل ملابسه يزينها ثقب قريب من موضع القلب وبقعة دماء كبيرة تحت رأسه ، رأيت مينا سابقا يزين ملابسه ثقوب ، ورايت دمائه سابقا ... ولكن الوضع يختلف هنا ، فقد اختفت ابتسامة مينا وأغمضت عيناه فما عدت أري نظرات الأمل فيها

الزمان : أمام مشرحة المستشفي القبطي ... المكان : مساء يوم العاشر من أكتوبر

جثمان الشهيد مينا مسجي داخل تابوت خشبي تزينه باقة ورود وصوره من صور الشهيد بابتسامته اللميزه ونظراته المفعمه بالأمل ، سيده تحتضن التابوت وتبكي بكاء شديدا ، شقيق مينا تغرق ملابسه دماء مينا من اليوم السابق وقد جفت الدموع من مآقيه وينظر للتابوت غير مصدق ... عدد من أصدقاء مينا يحيط بالتابوت لا شئ مشترك بينهم سوي دموعهم الغزيره .... هتاف : افرحي يا أم الشهيد ... النهارده يوم العيد ... صوت الجموع المحتشده : كيرياليسون..كيرياليسون ... تخرج من بوابة المستشفي الجموع التي كانت بداخلها وينضم إليها آلاف المصريين المنتظرين خروج الجثامين بفارغ الصبر وعلي الأكتاف ثمانية عشر تابوتا يتوسطهم التابوت الذي يحوي جثمان الشهيد مينا في طريقها لكاتدرائية العباسيه

الزمان : داخل المستشفي القبطي ... المكان : مساء يوم العاشر من أكتوبر بصحبة علاء سيف

علاء انت دخلت المشرحه..أيوه وكان معايا ثناء وصممنا نشوف جثامين كل الشهداء ...حرام عليك ثناء متستحملش المنظر

كان لازم نشوفهم كويس وصورهم تتحفر ف دماغنا .... المشهد بشع قوي والشباب اللي ماتوا غلابه وطيبين..هوا البلد دي مبيموتش فيها غير الغلابه ليه ؟

دمعه تأبي السقوط من عيني علاء حفاظا علي رباطة جاشه لحين انتهاء اليوم

الزمان : ميدان التحرير.... المكان : صبيحة الحادي عشر من أكتوبر وسط جمع من أصدقاء مينا ورفاقه في النضال

هتاف : مينا دانيال البطل ... بالرصاص اتقتل

ماسبيرو..المستشفي القبطي..9 أكتوبر

2011-10-09T16:10:00.000-07:00

للاسف كنت بعيد عن وسط البلد وقت الأحداث بس طلعت أنا وأسماء ودنيا ومحمد الطاهر علي المستشفي القبطي لأننا عرفنا من تويتر إنهم محتاجين دم ضروري للمصابين في أحداث النهارده و في الطريق سمعت إن صديقي مينا دانيال استشهد في الأحداث ، الدنيا ضلمت قدامي ومبقتش شايف ووصلنا للمستشفي جريت اسأل عليه ، والباب الوحيد اللي كان مفتوح هوا باب المشرحه ودخل جري أسأل كل اللي أقابله عن مينا فيقوللي شوفه جوه ووصلت لأوضة المشرحه أو المرحمة زي ما كان مكتوب عليها ، جري ورايا هاني رياض علشان م ادخلش المشرحه بس صممت أدخل وأدور علي جثمان الشهيد مينا بنفسي واضطريت أبص حواليا ، سبعتاشر جثمان موجودين ف الأوضه ووسط صراخ وعويل الأمهات والزوجات علي شهدائهم مقدرتش أمسك نفسي وابتديت أكشف وجوه الجثامين زي المجنون علشان أبص علي مينا بصه أخيره ، مش أول مره ف حياتي أشوف جثث بس المره دي كانت مرعبه ، وجوه مشوهه وجماجم محطمه وبقع دم كبيره تحت معظم الوجوه اللي شفتها لحد مالقيت جثمان الشهيد مينا وهاني رياض حاول يلهيني عنه علشان مشوفوش ويقوللي مش هوا بس أنا أطلعه من وسط مليون ،وشفته وبقعة دم كبيرة تحت رأسه ، حطيت غإدي علي جبهته وقبلته ومبقتش شايف واخدني هاني بره المرحمه أو المشرحه وكل حته ف جسمي بتتنفض ولقيت الناس بتجري من جنبي ومعاهم شهيد تاني بيقولو انه اللي دهسته المدرعه وحد من الناس اللي شايلاه بيقول "آدي مدرعات جيشنا اللي بيحمينا" وأم شهيد بتلطم وبتشيل تراب وبتقول " يا حزن المسيحيين الليله دي " وقس قاعد عالسلم بيعيط بشده وشاب مطلعينه م المشرحه فاقد النطق تقريبا حزنا علي أخوه اللي كان جثمانه مسجي جوه المشرحه ، كل اللي اقدر اقوله ان كل الجثامين اللي شفتها مضروبه بالنار ف مناطق حساسه من جسمها لأني شفت بقع دم تحت الدماغ بس في معظم الجثامين ، وخرجت لأني مقدرتش أستحمل كم الحزن والقهره حواليا ... وقابلت اسماء ودنيا ومحمد الطاهر تاني ولقيتهم بيقولولي مفيش تبرع بالدم هنا ولو عايزين لازم نروح المستشفي الإيطالي ورحنا المستشفي الإيطالي لقينا كل بواباته مقفوله ومانعين الناس تدخل لأنهم هما كمان معندهمش تبرع بالدم ، ومتتخيلوش كم الحسره والمراره اللي حسيت بيها ...حتي مش عارفين نتبرع بالدم علشان ننقذ المصابين اللي بيتحول واحد منهم كل شويه لشهيد .... بالمناسبه مينا دانيال هوا الشاب اللي يوم 28 في التحرير مكانش فيه ولا حته ف جسمه سليمه وفشلنا نقنعه يسيب الميدان واللي حكيتلكم عنه قبل كده ، مينا عمر البسمه مفارقت شفايفه وعمر الامل م فارق عينيه ...البلد دي ليه بتاكل عيالها ؟؟؟

عرفية دي تبقي خالتك

2011-09-09T18:14:00.000-07:00

كل يومين يطلعلنا بهيم يقوللك مش عايزين نوصل لدرجة إعلان الأحكام العرفيه ومش هنستحمل ومش عارف إيه ويجيبولك خبيز استراتيجو يقعد يغني علي الأحكام العرفيه وخلافه ، ولكل ناطق بلسان هؤلاء أحب أقولله : عرفية دي تبقي خالتك

ونبص مع بعضينا علي ديباجة القانون رقم 162 لسنة 1985 :

قرار رئيس الجمهورية العربية المتحدة بالقانون رقم 162 لسنة 1958 بشأن حالة الطوارئ

باسم الأمة

رئيس الجمهورية

بعد الاطلاع على الدستور المؤقت؛
وعلى المرسوم التشريعي رقم 150 الصادر في الإقليم السوري بتاريخ 22/6/1949 المتضمن تنظيم الإدارة العرفية؛
وعلى القانون رقم 533 لسنة 1954 في شأن الأحكام العرفية الصادر في الإقليم المصري والقوانين المعدلة له؛
قرر القانون الآتي

1- يعمل بالقانون المرافق في شأن حالة الطوارئ.

2- يلغى المرسوم التشريعي رقم 150 الصادر في 22/6/1949 والقانون رقم 533 لسنة 1954 المشار إليهما وكذلك كل نص يخالف أحكام هذا القانون.

3- ينشر هذا القانون في الجريدة الرسمية, ويعمل به في إقليمي الجمهورية من تاريخ نشره.

ولو لاحظت حضرتك هتلاقي إن قانون إعلان الطوارئ صدر بإلغاء القانون رقم 533 لسنة 1954 في شأن الأحكام العرفية وقرر ف المادة 3 منه إلغاء القانون رقم 533 لسنة 1954 في شأن الأحكام العرفيه ..يعني قانون الأحكام العرفية عندنا اتلغي وحل محله قانون الطوارئ اللي هوا مطبق في مصر من أكتر من تلاتين سنة بلا انقطاع ، وإن الكلام عن إعلان الأحكام العرفية مجرد أسطورة زي أسطورة التنين البمبي بالظبط لأنه لا فيه حاجه في مصر اسمها قانون أحكام عرفيه ولا فيه حاجه اسمها التنين البمبي ،

طيب وهوا إيه الفرق بين الأحكام العرفية وبين الطوارئ ؟

طبعا مفيش فرق بين الإتنين وان اللي حصل ان عبدالناصر شال عنوان وحط عنوان علي نفس المواد تقريبا فبدل ما تبقي الأحكام العرفية بقي اسمها قانون الطوارئ ... طب تاخد مثل علي كده ؟ خد عندك :

المادة رقم واحد من قانون الأحكام العرفية رقم 533 لسنة 1954 بتقول :

يجوز إعلان الأحكام العرفية كلما تعرض الأمن أو النظام العام في الأراضي المصرية أو في جهة منها للخطر سواء كان ذلك بسبب إغارة قوات العدو من الخارج أو وقوع اضطرابات في الداخل.
كما يجوز إعلان الأحكام العرفية لتأمين سلامة الجيوش المصرية وضمان تموينها وحماية طرق المواصلات وغير ذلك مما يتعلق بحركاتها وأعمالها العسكرية خارج جمهورية مصر العربية

أما بقي المادة رقم 1 من قانون الطوارئ رقم 162 لسنة 1958 بتقول :

يجوز إعلان حالة الطوارئ كلما تعرض الأمن أو النظام العام في أراضي الجمهورية أو في منطقة منها للخطر سواء أكان ذلك بسبب وقوع حرب أو قيام حالة تهدد بوقوعها أو حدوث اضطرابات في الداخل أو كوارث عامة أو انتشار وباء.

وطبعا لو قارنت بين المادتين دول هتلاقيهم تقريبا نسخه واحده مع وجود بعض فروق بسيطه .طبعا إلي جانب ان نص قانون الطوارئ واضح في المادة 2 من مواد إصداره اللي بتقول : يلغى المرسوم التشريعي رقم 150 الصادر في 22/6/1949 والقانون رقم 533 لسنة 1954 المشار إليهما وكذلك كل نص يخالف أحكام هذا القانون.

... وبالتالي إحنا معندناش حاجه فعلا اسمها قانون أحكام عرفية وعلشان خاطري أي حد يقوللك الجيش هيطبق الأحكام العرفية ومش هنستحمل تقولله جملتين : الأحكام العرفية بيدلعوها يقولولها يا طوارئ وهيا مطبقة علينا فعلا واحنا مستحملين وبنطالب بإلغائها...ولو طول معاك انزل عليه بالجملة التانيه وقولله : عرفية دي تبقي خالتك .. وطبعا أي خبير استراتيجو يقوللك البقين دول عندك حل من اتنين : يا إما تقولله استراتيجك حمرا أو تبوسه وتركنه جنب الحيط :)

الإستقاله شرط الإستقلال

2011-08-27T18:13:00.001-07:00

استقلال القضاء ..كلمة براقه وحلم يستحق بذل الكثير من أجله ..ولكن عن أي قضاء نتحدث ، القضاء المصري بالطبع وهنا لي سؤال : هل استقلال القضاء المصري سوف يساعد في حل معضلة تحقيق العداله في مصر ؟ بداية فإنني لست في حاجه لأن أؤكد أن بمصر قضاة شرفاء لا أقصد بما أكتبه هنا النيل من أحدهم او التقليل من شأنه ولا اربطهم بمرفق القضاء المصري الذي أكل عليه الفساد وشرب

دعونا نستعرض سويا بعض مشاهد أداء تلك المؤسسه علها تساعدنا في ملاحظة أن مشاكل تلك المؤسسه ليست نابعه من جور السلطه التنفيذيه عليها وحسب .. بل نابعه أيضا من القائمين علي تلك المؤسسه :

أولا : أتذكر جيدا مشهد علي قناة الجزيرة لبعض القضاة أعضاء تيار استقلال القضاء مشتعلين غضبا بسبب رفض مجلس القضاء الأعلي تعيين نجل أحدهم بالنيابه العامه ..بالرغم من أنها مأساة عديد من الأسر التي نبغ أبناؤها في العلم القانوني

ثانيا : رأي أحد أعضاء تيار استقلال القضاء في تعيين أباء القضاة بالنيابه العامه باعتباره حقا وأولويه

ثالثا : إذا كان القضاة الذين تولوا علي مر الأعوام السابقه بعض القضايا السياسية التي نعلم جميعا أنهم ليسوا من الأطهار وأن هناك علامات استقهام عديده علي أحكامهم .. ماذا عن القضايا العاديه التي تصدر فيها آلاف الأحكام السالبه للحرية يوميا وما يتردد هنا وهناك عن "القاضي الإدانجي" والقاضي " أبو إيد تقيله" وآلاف الأحكام التي لا تعبر عن أية حقيقه ولا تساوي مثقال ذرة علي ميزان العدل

رابعا : الجمعية العمومية لمجلس الدولة التي رفضت تعيين المرأة قاضيه بالمخالفه لكل القوانين والمواثيق !!

علما بأن النساء الذين رفضوا تعيينهم كقضاة بمجلس الدولة كانت لهم تضحياتهم في معركة استقلال القضاء عام 2006 " أسماء علي-رشا عزب- ندي القصاص "

خامسا : ذلك القاضي الذي قبل أن يستمد شرعيته من الأجهزة الأمنيه أو السياديه بحسب بعض التعبيرات ..كيف يمكنني أن أثق في عدالته ونزاهته إذا لم يكن مستعدا من الأساس للتضحية من أجل إرساء العداله وأقاتل من أجل استقلاله ..اعتقد أن المعركة الحقيقيه هنا هي أن أقاتل من أجل ألا يكون قاضيا هو وأمثاله

سادسا : أتذكر جيدا حين بدأت معركة تيار استقلال القضاء حين فضحوا تزير انتخابات 2005 وما قبلها ..ألم يكونوا هم ممن شاركوا في عمليات التزوير تلك ؟ وإذا لم يكونوا من المشاركين فلماذا لم يفضحوا تلك الانتهاكات في حينها ؟؟

لدي مئات الملاحظات علي مسألة المطالبه باستقلال السلطة القضائيه بشكلها الحالي لأن استقلالها لن يعني لي الكثير ..بل الأوقع بالنسبة لي هو تطهيرها من كل من دنسوا محراب العداله وهم بالآلاف ومن كل من التحق بالسلك القضائي بالرشوه أو المحسوبية علي حساب غيره لأنه أبدا لن يكون قاضيا عادلا وبفتح ملفات فساد بعض القضاة علي الملأ والتحقيق فيها بجديه .. أحيانا لا يجدي الإصلاح بل يجدي التدمير وإعادة البناء ورأيي فيما يتعلق بالقضاء المصري أنه في حاجه للحل الثاني لأن ملاحظاتي الشخصية علي أداء المؤسسه القضائية في مصر لا تقل بأي حال من الأحوال عن ملاحظاتي علي أداء أجهزة أخري كالداخليه بل إنها أبشع ...فاستقيلو حتي يستقل قضاؤنا وكفانا عوارا ورأبا لصدوعكم التي لن تنتهي ولن تقوم للعداله قائمه إلا إذا تخلصنا منكم وأتينا بقوم غيركم ثم لا يكونوا أمثالكم...والله الموفق والمستعان

كل النساء

2011-08-18T11:23:00.000-07:00

لا أحد يعلم تحديدا متي واين وجدت ماريا ولكن المؤكد انه حين قدر لماريا الوجود ، جئ بسحر العالم كله وجماله وصنع منه رحما يحتويها .. وهكذا جاءت ماريا من رحم السحر والجمال ،

وحين جاءت ماريا إلي الوجود اكتشف الجميع أن كلمات الأغاني وأشعار الشعراء لا تفيها حقها وما ذلك لنقص في الأغاني ولا لتقصير من الشعراء وإنما لأنها .... كل النساء من ابويها ؟ من أي عائلة تنحدر ؟ لم يجرؤ احد علي طرح السؤال فماريا لا يصح أن تكون فرعا لأحد كائنا من كان فهي أصل كامل وما ذلك إلا لأنها .... كل النساءوحين ظهرت ماريا ظهر بصحبتها أشياء كثيرة محببة إلي النفوس منها ما وجد بوجودها ومنها ما تغير إلي الأجمل بفعلها فمثلا يقال أن الدفئ ظهر بفعل احتكاك الهواء بطيف ماريا ، ويحكي أن النجوم ظهرت بفعل لمسات من أنامل ماريا للسماء وحين دبت ماريا بقدميها علي بعض أجزاء من الأرض تفجرت ينابيع المياه العذبة وحين مسحت بيديها علي صفحة البحار تلونت أسماكها وتضخمت شعابها المرجانية حتي صارت جبالا ، حتي الحيوانات الشرسة التي حظيت برؤية ماريا تتجلي في بعض الليالي تحولت إلي حيوانات أليفه وحين تجلت ماريا للزهور البيضاء استحت أن تصر الزهور علي بياضها فتلونت بالأحمر والبنفسجي هربا من وضعها في مقارنة مع ماريا حتي لا تفقد رونقها ..... ولكن أهم ما ظهر بظهور ماريا علي الإطلاق كان الأساطير ، فقد احتار الناس في ماهية ماريا ، منهم من قال إنها تشرق علينا كل صباح في هيئة شمس ولكن الشمس تحرق وماريا لا يمكن أن تحرق ومنهم من قال إنها القمر الذي ينير الليالي ولكن القمر يغيب وماريا لا تغيب ، إذا أين مكانها تحديدا ؟ لا أحد يعلم علي وجه اليقين ، كم شخص استطاع أن يراها كاملة ؟ لا نعلم ولكن المؤكد أن ماريا توجد في كل جميل حولنا ولا تظهر بل إنها تتجلي وهل يستطيع أحدنا أن يري كل النساء ....حين جاء أمهر رسامي الأرض ليرسمها قالت له ماريا من وراء حجاب خذ من بياض بشرتي ومن سواد شعري ومن زرقة عيني وخط ما تشاء فقال لها لا بد أن أراكي أولا فلما تجلت له كاملة خر صعقا فهو لم يسبق له أن رأي ... كل النساء يقولون أن كل الصغيرات فاتنات وأن السبب في ذلك يرجع إلي أن كل الإناث حين يولدن فإن ماريا تحتضنهن فترة ما وتبث فيهن من سحرها وفتنتها وعذوبة صوتها وجمال محياها .... وحين يكبرن إذا تلوثن بفعل طباع البشر فإن آثار ماريا تزول من عليهن بقدر ما أصابهن من سوءات البشر فمنهن من يذهب عنها جمالها ومنهن من تسقط عنها جاذبيتها ومنهن من تفقد وداعتها وهكذا .... وبالرغم من أن لمسات ماريا السحرية موجودة عليهن جميعا بشكل أو بآخر إلا أنهن دائما ما يضعن أنفسهن في مقارنة معها وهو من غريب طباعهن فهل تغار إحدى النساء ... من كل النساء ؟ليست ماريا محل اختلاف ولا شك ولا تأويل من أي كائن من كان فهي مثلا ليست شطر الجمال وليست كل الجمال لأنها الجمال بعينه ولأنها لا يختلف عليها اثنان فلا معبد لها يستأثر به بعض الكهنة أو الرهبان فالأرض كلها معبدها وطيفها قبلة كل الأحياء وعينيها محراب الجميع وطهارتها تضرب بها الأمثال ، فهي كاملة الطهر والنقاء وليس ذلك لأنها سليلة أحد القديسين أو الأنبياء ... إنما لأنها كل النساء ولأننا جبلنا علي بعض محاسن وخصال ماريا فنحن لا يمكننا ان ندرك جميع محاسنها وخصالها ... فنحن نبحث فيمن نحب من الإناث عن هذه المحاسن و تلك الخصال التي ندركها عن ماريا فمنا من لا يدرك عن ماريا سوي الجمال فيبحث عنه في أنثاه ومنا من يدرك عنها أكثر من ذلك فيبحث عنه ايضا في أنثاه ولذا يقال أن لكل منا ماريته .. ولنا جميعا معشر الرجال ماريا.

إهداء إلي : أسماء علي

حول قانون الغدر رقم 344 لسنة 1952

2011-07-31T12:57:00.000-07:00

النوت دي بقلم الزميل رضا مرعي المحامي بمؤسسة الهلالي للحريات واستأذنته انقلها ع مدونتي علشان عدد أكبر من الناس يعرف يشوفها :

بعد أن أعلن الدكتور عصام شرف رئيس مجلس الوزراء أنه سيبحث مع وزير العدل مراجعة ذلك القانون تمهيدا لتشكيل محاكم غدر لمحاكمة رموز النظام السابق، كان لا بد من إلقاء نظرة علي نصوص ذلك القانون ورؤية مدي إمكانية تطبيقه والعمل به لمحاكمة رموز النظام السابق وفقا لمواده لضمان محاكمتهم محاكمة عادله وناجزه علي ما إقترفوه من جرائم .
لاسيما وأن المنظومه التشريعيه المصريه تخلو من أي قانون يمكن بموجبه معاقبة رموز النظام السابق علي جرائم إفساد الحكم و الحياه السياسيه والإضرار بمصالح البلاد وغيرها من الجرائم الوارده فقط في مواد هذا القانون دون غيره من القوانين المصريه الاخري .
وينص القانون على عدد من العقوبات فى حق كل من ثبتت إدانته بتهمة الغدر، مثل العزل من الوظائف العامة، وسقوط العضوية فى مجلسى البرلمان أو المجالس البلدية أو القروية أو مجالس المديريات، والحرمان من حق الانتخاب أو الترشيح لأى مجلس من المجالس سالفة الذكر لمدة أقلها خمس سنوات من تاريخ الحكم، والحرمان من تولى الوظائف العامة لمدة أقلها خمس سنوات من تاريخ الحكم، والحرمان من الانتماء إلى أى حزب سياسى مدة أقلها خمس سنوات من تاريخ الحكم، بالإضافة إلى الحرمان من عضوية مجالس إدارة الهيئات أو الشركات أو المؤسسات التى تخضع لإشراف السلطات العامة، ومن أية وظيفة بهذه الهيئات لمدة أقلها خمس سنوات من تاريخ الحكم، كما يجوز الحكم أيضا بإسقاط الجنسية المصرية عن الغادر أو الحكم برد ما أفاده من غدره وتقدر المحكمة مقدار ما يرد .
وتتشكل محاكم الغدر وفقا للقانون برياسة مستشار من محكمة النقض، وعضوية مستشارين من محكمة استئناف القاهرة يعينهم وزير العدل، وأربعة ضباط يعينهم القائد العام للقوات المسلحة.

وإذا نظرنا لقانون الغدر وإمكانية تطبيقه ومحاكمة رموز النظام السابق وفقا لنصوص موادة نجد ان هناك بعض العقبات في القانون ذاته التي تحول دون ذلك وينبغي إجراء تعديل تشريعي يصدر بمرسوم بقانون من المجلس الأعلي للقوات المسلحه وتلك الإشكاليات تتمثل في :-

من له الحق في رفع الدعوي أمام محكمة الغدر :-

وقد جاء تنظيم ذلك بالمادة الرابعة من هذا القانون والتي تنص علي

مادة 4 :- ترفع الدعوى إلى المحكمة من لجنة مكونة من اثنين يختارهما المؤتمر المنصوص عليه فى المادة 11 من الإعلان الدستورى المشار إليه بقرار يصدر باتفاقهما مشتملا على بيان بالواقعة والمواد المطلوب تطبيقها ، ويكون للجنة فى أداء مهمتها أو لأحد عضويها أو لمن تندبه من رجال القضاء أو النيابة العامة جميع السلطات المخولة فى قانون الإجراءات الجنائية للنيابة العامة ولقاضى التحقيق بغير القيود الواردة فى المواد 51 و 52 و 53 و 54 و 55 و 57 و 91 و97 من القانون المذكور .
ويحدد رئيس المحكمة اليوم الذى تنظر فيه الدعوى، على أن يكون خلال خمسة عشرة يوما من تاريخ رفعها.
ويكون تكليف المدعى عليه بالحضور أمام المحكمة قبل الجلسة بثمانية أيام كاملة على الأقل، ويجوز له الاستعانة بمحام واحد.
ولا يجوز تأجيل نظر الدعوى أكثر من مرتين ولمدة لا تزيد فى كل مرة عن أسبوع وينطق بالحكم مشفوعا بأسبابه.

وبالنظر لما نص عليه في هذه الماده وللظرف التاريخي الذي صدر فيه القانون إبان ثورة يوليو وما يمثله من عقبه في التطبيق في الوقت الحالي نجد أن نص الماده سالفة الذكر يتحدث عن الإعلان الدستوري الصادر من مجلس قيادة الثوره وكذلك اللجنه المشكله في ذلك الوقت والتي يعطيها النص الأحقيه في رفع الدعوي أمام محكمة الغدر وبما أن هذا الإعلان الدستوري وهذه اللجنه المشار إليهما لاوجود لهما في الوقت الحالي فإن الأمر يتطلب تعديل تشريعي وليكن صدور هذا التعديل التشريعي بمرسوم بقانون يصدر من المجلس العسكري بما له من سلطة تشريعيه بموجب الإعلان الدستوري الصادر مؤخرا بعد إعلان نتيجة الإستفتاء .
ونحن نري أن يراعي التعديل التشريعي أن يكون الحق في رفع الدعوي للنيابة العامه وألا يتقيد ذلك بوجود شكوي أو بلاغ يقدم إليها .

كما أن هناك إشكاليه عمليه أخري في تشكيل المحكمه وتلك الأشكاليه هي الواردة بنص الماده الثالثه من ذلك القانون حيث أن تشكيل المحكمة علي النحو الوارد بنص المادة يخرج تلك المحكمة من إستقلالية القضاء إذ يشترط وجود عسكريين بها الامر الذي يلزم معه لتطبيق القانون إجراء تعديل تشريعي أخر علي نص تلك الماده

وتنص الماده الثالثه علي :-

مادة 3
يحكم على كل من ارتكب فعلا من أفعال الغدر من محكمة خاصة تؤلف برياسة مستشار من محكمة النقض وعضوية مستشارين من محكمة استئناف القاهرة يعينهم وزير العدل، وأربعة ضباط عظام لا تقل رتبة كل منهم عن الصاغ، يعينهم القائد العام للقوات المسلحة.
ويكون مقر هذه المحكمة بمدينة القاهرة ويشمل اختصاصها كل أنحاء المملكة المصرية.
وتتولى النيابة العامة مباشرة الدعوى أمام المحكمة .
ويجوز للمحكمة أن تحكم على الغادر وشركائه بتعويض ما حدث من ضرر لأى شخص من الأشخاص الاعتبارية العامة .
أما بخصوص تلك المادة فإننا نري أن يراعي التعديل التشريعي أن يكون تشكيل محكمة الغدر تشكيلا قضائبا خالصا وأن يتم تكليف رئيس مجلس القضاء الأعلي مهمة تشكيل هذه المحكمة وأن نبتعد عن طريقة التعيين من قبل وزير العدل لعلها تكون خطوة أولي علي طريق إستقلال القضاء والفصل بين السلطتين القضائية والتنفيذيه .

الثورة لا ملكك ولا ملكي ..ملك اللي يومها سند صدره عالسونكي

2011-07-07T08:22:00.000-07:00

ليه حضرتك لازم تنزل يوم 8 يوليو ؟ علشان اللي مات علشانك مش ابن البطه السودا وعلشان حقه وتاره ف رقابتك ..فياتجيبله حقه يا تموت فدا دمه زي ما هوا مات فدا حياتك ... أمك مش احسن من امه ، والنار اللي قايدة ف قلبها لو مبتحرقكش تبقي مش بني آدم . لازم تنزل علشان كلاب النظام راجعة من كل بلاعة ف مصر وفجأة بقينا احنا مش شباب 25 يناير وبقيت لو شعرك اتنعكش بلطجي وبتتشحن عالمحكمة العسكرية ، وبقينا محرضين وضد مصلحة الوطن ، وأهالي قتلي الداخلية يتكرمو وأهالي الشهدا ينضربوا ويتهانو ، ومجلس المخلوع اللي معينه المخلوع بنفسه شغال الله ينور هوا والأمن الوطني وكل كلاب النظام الوسخ اللي خرجو م البلاعات شوية فتنه وشوية فئوية وشوية شرعية وعمالين يجرجرونا ف معارك معفنه زيهم ، الانتخابات والدستور .... إلخ ... وفجأة نصحي علي مهرجان البراءة للجميع الحرامية ياخدو براءة والثوار ف السجن الحربي ، وكلاب الداخلية اللي قتلو الثوار اخلاء سبيل ويطلعلك واحد يقوللك الشرطة كانت بتدافع عن نفسها !!! ومحدش بقي عارف مين فين ليه وكل كام ساعة قضية تعذيب جديدة ف سلخانة من سلخانات الداخلية ... و لافي عدالة اجتماعية ولا حرية ولا تغيير ودي طلباتنا اللي متنفذش منها حاجة للنهارده ..وهتتنفذ يعني هتتنفذ ..وبعد دم الشهدا اللي سال علشان خاطري وخاطرك وفدانا كلنا مبقاش عندنا رفاهية الاستسلام و الخنوع أو حتي اليأس ولا الخوف .. والجمعة 8 يوليو مش مليونية ولا كارنيفال علي فكرة ..اعتصام زي بتوع زمان تيجي وتكترنا ونتآنس انا وانت ببعض لجل عيون ام الشهيد ولجل الغلابة المطحونين ولجل الثوار المحبوسين ولجل ننضف بلدنا بجد ..الاعتصام اللي فات نضفنا الأرصفة والشوارع بس الاعتصام دا مش هنمشي منه غير لما ننضف بلدنا ومؤسساتها ومحاكمها ومجالسها من كل الديدان اللي سارحة وبتنخر فيها وفينا ..مبارك لازم يتنقل السجن ولازم يتحاكم محاكمة علنية وجمال وعيلاء علي أقل تقدير لازم يطلعو ف برنامج خلف الأسوار نشوفهم مذلولين قبل الإعدام وندمانين عاللي عملوه فينا هما وكلابهم وابوهم وقتلة الشهدا لازم يرجعو للسجن ويتوقفو عن أعمالهم وأي كلب بيدافع عنهم لازم ياخد بالشبشب علي دماغه والمصابين وأهالي الشهدا لازم ياخدو تعويضات مناسبة للي قدموه للبلد .. ولازم الحد الأدني للأجور يبقي زي ما طلبنا مش زي ما سيمير ردوان قال ولازم يبقي فيه حد أقصي للأجور ... والبلد دي لازم تشوف النور ونشوفه معاها ... مستنيينك ف التحرير من النهارده علشان تأدي الأمانه وتحني أم الشهيد بإيديك وتروح تبوس ايديها وتقوللها انا هنا علشان حق أخويا يا أمي .. وتقول للغلابة ف البلد دي أنا منكم وانتو مني ....ولسه النظام مسقطش

قصيدة لسه النظام مسقطش ! للأبنودي الرائع

2011-07-05T03:05:00.000-07:00

القصيدة دي كعادة كل قصايد الأبنودي أكثر من رائعه ..بقراها وبضحك وبعيط ف نفس الوقت حقيقية بشكل مخيف وعلشان كده نقلت أول 14 مقطع منها وبعدين أخدت الباقي من تدوينة للصديق رضا مرعي وبكده القصيده كلها مكتوبة ومتاحة للجميع :

(1)

أول كلامي ..أهني الشعب أبو الثوار

اللي خلق ثورته..تحت الرصاص والنار

اللي فرض كلمته ..ع الحاكم الجبار

ساقهم طابور للعدالة ..للندالة عقاب

فضح جدميع اللصوص ..ورا شيخهم الكداب

طلع حاميها حراميها ..طلع نصاب

الملعونين – لا شماته – في كل لوح وكتاب

و ع العدالة البطيئة ..لينا ألف عتاب

فساد بيلضم رئيس بوزير علي نواب

اترصو كما سور ..حجب عن مصر أي نهار

**************

(2)

سرقو دوا المرضانين ..سرقو حليب الطفل

القصد ..سرقو الوطن ..ورمولنا إحنا التفل

سلبوا الوطن نضرته..فاكريننا حزمة هٍبل

فجأة الوطن بص شاف ..إن البدن ..عاري

وإنه سلعه ما بين بايع ..وبين شاري

تعبت شعوبنا ..تواري الشكوي ..وتجاري

غير تدعي ع المجرمين ..وتشهد الباري

والطفل حتي ان ضحك ..فالضحكة طياري

باعوا البلد حتة حته ..ووزعوا الباقي

وفجأة صوت الوطن علي ..ودش القفل

*************

(3)

يادي الجثث يوم ما علي سطح الفساد عاموا

والشعب ينعي ولاده ..ويبكي أيامه

ولا حد طاله عقاب ..أو فيه كبير لامه

بين الكبير والعصابة ..سيبها مستورة

في يومها ساب من غرق ..راح شجع الكورة

بلدنا في حداد وشفنا الست مسرورة

اليأس صبغ الحياة ..روح مصر مكسورة

حاصروها من كل ناحية ..ضلموا الصورة

باعوا الوطن في النهار ..بدون مايخبوا

وسلموا للعدو ..المفتاح ..وأختامه

*************

(4)

ابن البلد شاف بلاده حفلة من موتي

وشاف مصانع ابوه حته ورا حته

طبخوا ..وحطو أكلتها ف طبق فته

شاف مصر ..مصر العزيزة تنام علي الأرصفة

وتخوض حروبها الجديدة لأجل ست ارغفه

كل اقتصادها اتنهب ..لبس طاقية خفا

والجهل قال للمرض : “إلعب ..عليه الشفا”

كل اللي سابه أبوها ..في لحظتين اختفي

وإذا جبنا سيرة الوطن ..يتمقلتوا الرايقين

أما المجالس فكانت حفله للعتَّه !!

***************

(5)

هربت فلوس مصر خارج مصر .. في أوروبا

حمي مالنا منا .. وسف .. وسفت النخبه

وإن قلنا جعنا جعنا .. مافيش غير جملته الخايبه

” أجيب لكو منين ؟” ساعتها يسقفوا اللؤما

طيارة مخصوص بتنقل صاحب العصمة

ياخويا كتر السفر..من غير ولا مهمه

أتاريه مسافر يا سيدي يسجل البصمة

والناس في تعاستها بتدور علي اللقمة

واللقمة سافرت أوروبا ..هناك لقي أهله

واحنا ف بلدنا استوينا وعشنا كالغربا

***************

(6)

عجبتنا ضلتها ..واستهترنا بالحكام

صدقنا أوهامنا ..والأيام

بقت أعوام واللي ملخلخ

ثبت ..وتًّق رباط وحزام

عملنا إيه للفقاري لما هرب العيش ؟

من تاني رجع الفقير يلبسها فل وخيش

قلنا ..وهل صحّي قولنا نومة االدراويش؟

حققنا بالصوت “فلان يسقط” و”غيره يعيش” ؟

إيه تعمل الكلمة ف أبو سلاح وشرطة وجيش ؟

والحلم كداب ..ياخدنا لفوق ..يسيبنا لتحت

قوللي في سوق الحقيقة بقينا نسوي كام ؟

**************

(7)

مين دول يا اهل الوطن؟طلعو منين ؟قولوا

ما خلوا شئ للوطن ..حتي طبق فوله

وعٍلي أنين أهلنا..هل مره سمعولُه ؟

باعوا تراث الجدود..فراعين علي إسلام

وان يسألوهم يردوا : كل حاجة تمام

ليهم جيوش ف الدعاية وخبرا ف الإعلام

نهبوا ثروات كبار ما تكفيهاش أحلام

الطيبين ..الجمال..حرامية ..ده اسمه كلام ؟

ونخروا تحت الوطن حفرة ..ورا حفرة

ونصبنا شاهد كبير ..ونمنا في طوله!!

*************

(8)

وف لحظة فعلا تليق بينا ..نفضنا الهم

ولا همنا م الرصاص ولا من بحور الدم

الثورة ملت الميدان والكيف في حجم الكَم

ملايين في أوركسترا ..جوه الميدان تعزف

هتاف ..كإنه ريح مجنونة ..وبتكشف

الست ..شايلة ابنها ..وسط الجموع تهتف

والصوت كإنه بيشرب دم من ينزف

هل شعبنا ده اللي كان من لحظه متكتف ؟

آه يا بلادي الجميلة لما تبقي انتي

ملايين راششها الوطن علي أرضه كيف تتلم

دي ثورة ..وللا الشروق غمر ميادينها؟

أعلام دي وللا أشرعه لصواري سفاينها ؟

وشوف من امتي انتهت ..ولسه سامعينها

ياه ع الجنون اللي خلي الرقصة جماعيه

ملايين في قلب الميدان .. والدنيا حريه

صابرين علي مرها ..ف الطايبه والنًّيه

من غير أساتذه ..البشر جمعتهم النِّيه

يتوحد الصوت ..بروق تضوي..مدويه

الثورة سهلة ..فأرجوك ..لم ألغازك

إحنا اللي مالكينها

مش انتو اللي مالكينها !!

***************

(10)

زحفت جيوش الشباب – يا مرحبا يا مصر

زأرتي في الكون ..زئيرك ..شق بطن العصر

ملايين بتهتف وبتزلزل حيطان القصر

وآه يا بلدي العجيبة ..قولي لي جيتي منين؟

إنتي دي وللا مش إنتي ؟لقيتي صوتك فين؟

في كل وجه ابتسامة نصر حي مبين

والغنوة تصدح وتصبح خلق بالملايين

ميدان صرخ ف البلاد ..ردت عليه ميادين

مصر اشرأبت وعبِّت صدرها ثورة

عرفت ف لحظة زمن ..إزاي تعود للأصل !!

***********

(11)

وجوه أضائت..وجوه مسودة كالدخان

وبالخصوص اللصوص .. حرامية الأوطان

من باعوا كنز البلد ..لعدوها الشيطان

سلبوا الفقير لقمته ..سِوا ف المدن ف الريف

وكتفونا سنين ..وحليلهم التكتيف

مصر الضمير للأمم .. نزلو عليه تجريف

وكنا وسخين لكن هما “شريف”و”نظيف”

وكنا شهدا الوطن ..دلوقت شهدا رغيف

أما حَمُوله يا بنت الغيه ..يا ست الكل

وازاي ف طلعة ميدان ..اتهردم الطغيان ؟

**************

(12)

الثورة قطر النجاة داخل في مواعيده

عِلي الهتاف بالشعار ..لم كفوا ترديده

والخادم المنحني المذلول ..نفض سيده

إتشققت أرض مصر الحرة ..يا خيي

طِولِت إيدين الغلابه تشاشي وتحيِّي

للشعب صوت لما ينوي يدوِّي ..بيدوِّي

فلتعلنوا الفرحه وتظاظوا كده زيي

اللي مجرد سيرتهم ..تئذي ..وتعيي

باعوا الوطن ف العلن ..جبنا الوطن تاني

آدي الوطن ف الميدان ويدنا ف إيده !

***********

(13)

لولا إن مصر دي ما بتضيعش ..كان ضعنا

إزاي لحبة لصوص ..نخِّينا ..وخضعنا ؟

وازاي دارينا الإهانه ..تحت تواضعنا ؟

كإننا ماحناش احنا ..والتاريخ كداب

والدنيا تنظر إلينا بكل الاستغراب

علي صبرنا المفتري ..ع الحاكم الدِّحلاب

واحنا ..لا بنسألو ..ولا لازمنا جواب

عارفين عيوبنا وأصل القصة والأسباب

عشناها ف الانتظار ..ومن انتظار لانتظار

و ف يوم لقينا النهار وسط الميدان .. مَعَنا !

**************

(14)

لكن اللي ماعرفش مصر يقول كده ..واكتر

تبان هزيلة قتيلة ..يوماتي ..تتدحدر

مايعرفوش ان خلف الغيم بلد يقدر

يضرب بكفه يفتح ألف باب للغد

يطلع ربيعه ف قلب البرد أو ف الشرد

ملايين .. مايتحسبوا لا بالجوز ولا بالفرد

فجأة من الشوك تطل عليك عيون الورد

فجأة ..ويعلا الغنا .. يملا الفضا والأرض

ومصر هيه ..لكن حتقول “ماهيش هيه”

لولا ف عينيهاالأزهر الهرم والسد

**************

(15)

كام ألف طاغى فى أفريقيا نهب شعبه

يلهف مصادر حياته… و يدعى حبه

الشعب يشقى و هوه و أسرته يعبوا !

يرشى الصحافة.. و ساكن وشه فى الشاشة

هوه ووراه شلته.. شاكوش و كماشة

يقول لده “”إنت بيه”.. و يقول لده “باشا”

يحن على أمته؟. يرعى الفقير؟ حاشا

على كتفه كيلة نجوم.. و هو أومباشى

و بلحم أطفال بلاده الغضه يتعشى

و لا حد فى شعبه كله غلط فى يوم حبه

**************

(16)

أما إذا شعبه قام و قبض عليه باليد

فالمال –بدون ضمته- مايصرفوهشى حد

طب لو عيمى و اتبكم.. من كل خرم اتسد

من كل ده نابك إيه يا شعب غير الفلس؟

و تعمل إيه ببصمته بالصوت ما دام اتخرس؟

حكاية طبعا عجيبة.. و اسألوا اللى اتقرص

شفنا كصير الأسود فى لحظة صاروا بسس

و تضيع أمانى الشعوب فى أى مستقبل

و البنك يلهف: لا خدنا.. و لا الحرامى خد!

**************

17)

إحنا اللى قالوا علينا مرضى بمكاننا

لو صح عزم البشر لنردهعا جنه

دى ثورة شوفوا احنا فين و فين يا ناس كنا

مايهمناش الفلوس و لا هربوها لفين

لو كنا واخدينها جد نردها فى شهرين

خانوا الوطن.. الخيانة قبلة الخاينين

ديابة.. بنيبان طوال.. عصابة الملاعين

لابسين بدل غالية بس تدارى إيه أو مين؟

و لو التباطؤ تواطؤ.. إحنا مش نايمين

قتلوا شبابنا بلا رحمة.. لكن بكرة

دم الشهيد راح يكون الزيت لمكننا!!

**************

(18)

تار الشهيد اللي ضحى .. في رقابيكم

دمه ما زال فوق رصيف غسلينه بإيديكم

اللي اترمي في بوابات الموت .. يحميكم

إوعوا في هوجه الكلام .. دم الشهيد تنسوه

ويسرقوه منكم .. ياما التاريخ سرقوه

ماهيش حكايه صوره ولا غنا تغنوه

ولا في هيصه الفرح ممكن عقولكو تتوه

أمَّه اللي بتنوح عليه .. وتقول : (ضنايا هاتوه

لو هيه شايفاكوا قرّبتوا من احلامه

ماكانتش تحزن .. حتلقاه حيّ في عينيكم !!

**************

(19)

لو عن سقوط النظام .. لسه النظام مسقطش!

إيه الفروق بين زمان و الوقت؟.. ما تفرقش!!

لخمونا فى الريم … و مين فى بحرهم .. ما غرقش؟

ماكانش قصد الشباب.. كام أسم أو أعداد

يعنى ( الرئيس و المدام و الشلة و الأولاد)..

لأ.. يوم ما هتف الجميع “يسقط” بكل عناد و رفعوا راية الميلاد فى قلب لاستشهاد

كان المراد.. هدم كون… كله خداع و فساد

يزيلوا بنيان قديم.. و يقيموا صرح جديد

لسه القديم زى ما هو ف وشنا.. ماوقعش!!

**************

(20)

نفس الوجوه القدام لسه محاصرانا

متربصة بالأمل.. و بدم شهدانا

و بيلعبوا ف كل حين ميت لعبه تعبانه

ما هو اللى خد ع الخداع يحيا يموت.. غادر

ثورتنا أعجاز.. و تعجيزها من النادر

لا حيطفوا نارها و لا صوت بحرها الهادر

وانا زى شعبى الأصيل.. الملهم.. الصابر

على قد ما بابان هزيل .. على قد مانا قادر

شايل فى صدرى الوطن.. و ف قلبى مفتاحه

الثورة ما همدش لسه صوتها جوانا!!

**************

(21)

و فجأة تطلع (أيادى سودا) من بينا

تغير الطعم و اللون..تقفل الجنه

فى عز تفاؤلنا.. تطفى النور فى فرحتنا

تشقنا ألف فرقة بألف وش ووش

صوتها نحيب لا لغربة.. تزعق تزوم و توش

فاكرينا لسه جداد على أكتشاف الغش

و مدبرين إن فرحة شعبنا ما تعيش

و بشاعة الوش ترعب مصر مصر تكش

يا عم فارقنا شوف لك ” بيت يكون طابخ”

لسه ما جاش الفرح.. دى ليلة الحنة..!!

**************

(22)

الثوره مش حكر .. لا ملكك و لا ملكي

ملك اللي يومها سند صدره علي السونكي

و اللي الرصاصه شالت عينه ولم يبكي

ملك الشهيد اللي فدا غيره بنيران و رصاص

رسم خريطه الوطن .. بالدم وبإخلاص

والّا انتو صدقتوا ما ماتوا وراحوا خلاص ؟

ورجعتوا تاخدوا الجمل بما حمل يا ناس

تتقلبوا ع الثوره حالا تقلبوا الإحساس

يكفي تآمر .. و لعب زمان من تاني

مانا كنت علي نيتي .. صحيتوا ليه شكى ؟!!

**************

(23)

و جاى تفرق ما بيننا.. تشقنا نصين..

و تقول مسيحى و مسلم.. أنت عايش فين؟

زين لك الجهل تقسم شعبنا شعبين

إسمع يا صاحبى و أقولهالك بعلو الصوت

إسمعها منى و قول: “قال” – بكرة لما أموت-

أهى “مصر” دى “يونس” اللى عاش فى بطن الحوت

لا تموت.. و لا من يغير فيها قلب و صوت

وفرحاجاتك.. بضاعتك فينا مش حتفوت

يالل مخبى الأفاعى تحت باطاتك

من كتر ماحنا اتقرصنا.. تعبت التعابين!!

**************

(24)

أما اللى فتحوا السجون.. بيقصدوا الترويع

هم اللى خانوا الوطن و القصد مصر تضيع

طلقوهم الأفاقين.. و عصابة التطبيع

فيه بكرة يوم جاى بخساير و بمكاسب

و الشعب دايما فى فى معركة الحقوق غالب

أما اللى سلب الحياة و مازال بيتكالب

و قصده يرهبنا تانى بمنطقه الخايب

الثورة شايفاه.. و ساعة الحسم يا اخواننا

الثورة لا تحابى مين.. و لا تقبل الترقيع!!

**************

25)

و الا اللى طالع علينا.. من الشقوق طاشى

كما عش النمل اتفلت عينيه مشايفاشى

و كاره الدنيا.. و انا كارهنى ع الماشى!

دلوقتى طالع يكفر كل زول صالح

يكره حلا الدنيا.. يعشق طعمها المالح

قال يعنى إجنا الأونطة.. و حضرته الفالح

و فى عداوته لدود.. يكره ما يتصالح

عامل على الجنه شغل و رزق و مصالح

نهاز فرص.. رافع الراية لفوق خالص

نسى أنه كان ضدنا فى الثورة.. و ماجاشى!!

**************

26)

الثورة كالزحلفة.. ولاكنها ثورة

كإنها لعبة ولعبناها فى محاورة..

كسبنا دورة.. وغيرنا كسبوا ميت دورة

و إن جيتوا للجد .. قدم الثورة مشلولة

الثورة .. لازمها ثورة اقوى من الأولى

ده احنا ضميرها .. و ضميرها بيفهم الفولة

هدية بنقدموها لأمنا الغولة؟

تعبنا .. رحنا نشوف ناس غيرنا مسئولة

دم الشهيد اللى هز الدنيا تحت وفوق

بعناه بحبة كلام.. مايستروش عورة ! !

**************

(27)

لا هو انت فاكر الزمن تانى يعود للخلف؟!

لاهو انت فاكرها ترجع او تفوت الصف؟!

جربتو اولادها ما بين قتل وما بين خطف

شايله حمول التاريخ كتفها اللى ما كل

والشعب شوفته بعينك فى الصبر مالوش حل

تفتكره مات بين ايديك وتقوله “يا ريت ولعل”

ويذلو فيه اللئام ابدا ما يوم ينذل

انتو شربتو العسل ..وهو شرب الخل

عاوزين تخونوه خونوه ..انا بس بأحذر

دى مصر يابا..دى مصر اللى ما حواهاش وصف!!

**************

(28)

واللعب داير كما هوه.. كأنه مفيش..

ليلة ميلاد اللهب..ليلة نزول الجيش.

لسه الاباطره فوق دايسين على الحرافيش.

لسه الضمير متقسم..وبره غير جوه

واللعب داير يا صاحبى زى ما هوه

الباطل اللى ضعف .. قوى وزاد قوه

لسه عيونه مراقبانى انا وهوه

واخدنى على مركبه..يرمينى فى النوه

الثوره فين زى ما تكون الشموس ساحت

والغدر زاحف على ابن البلد بشويش.

**************

(29)

افتح لهم باب سجونك..يسقط السجان

واطلق شباب خذلتهم فى الضهر م الميدان

وافلح فى السجن اللى خان ..عندك فلان وفلان

من يقلع الزرع من حوضه.. يموت فى الايد

قول للى سرقو الامل وسرقو لبس العيد

تانى السجون والحديد ؟ فادكم بايه الحديد؟

هل وقف الثورة والا عطل المواعيد؟

نكسر القيد ونصحى نلاقى نفس القيد

عاوزين سياسه جريئه وواضحه زى الشمس

معانا فى الثوره ولا نغير العنوان؟

**************

(30)

والا اللى كانو دلاديل فى ديول لاسياد

جايين يطفو الفرح ويقتلو الأمجاد

لشباب دفعو التمن..طوابير لاستشهاد

لا هو انتو بالاجر جايين تقتلو الثورة؟ هى دى شئ يتقتل يا هبل بمؤامرة؟

والا دى نيران فى بوص تطفوها بالأجرة؟

مين الغبى اللى جمعكو وسوق الفكرة؟

لازم تخونو الوطن وتقتلوا بكره

عصابات خيانة الوطن ولائها لاسيادها

واحنا الولاء للوطن..فى الحزن والاعياد!

**************

(31)

شوف الجحافل تعافر..قصدها.. ترجع

من بعد فشل(الدخان.. والميه..والمدفع)

ويا بلطجى..ويا عواطلى..اطلبو ..ندفع

مش مال ابوهم..ده مال اهلى ومال اهلك.

نهبو سنين اهلنا..واهلنا تهلك.

قالو عليهم فلول..كداب مين قالك

لأ جيش ومتنظمين لابديين وناويين لك

بينامو بعدك..وبيصحو يرتبو قبلك

دول عندهم مال وأتباع ..عندهم خبرة

يمكن فى سوق الخساسه الخبره اليوم..تنفع!!

**************32)

ياللى حاكمنى..ما صدقت انى صدقتك

يومها احميت بى..وانا اتداريت فى دبابتك

وفرحت غنيت هتفت وطرت..وكتبتك!!

الثوره دى ثورتى.. سنابلها من خيرى..

وانت فى ساعة الحوار تخلطنى مع غيرى

ريحك مصره..أتوه فى السرب عن طيرى

جايين سوا تسرقو ميدانى.. وتحريرى

وبيك..بغيرك..حقول يا مركبى سيرى

شعللنا احنا الوطن وغيرنا بيطفوه

زنادى-صدقنى-مش محتاج لسبابتك!!

**************

(33)

ضاعت معالم قصيده..لسه ما اتكتبتش.

واغانى لون الصباح البكر..ما اتغنتش..

وسكك لبكره فى ضل الثوره…ما اتسلكتش

ليه عندى احساس رهيب بأديكو فى جيوبى.

دخلت اصلى..وجيت مالقيتش مركوبى…

تتجاهلو حسناتى..تتعاملو مع عيوبى

وكأنما الثوره..اكبر ذنب فى ذنوبى؟

وانا ثورتى وجهتى.. فى شروقى وغروبى

دى رجعتى شروق وبروق وصحبة ورد

لكن ورودها على أعوادها.. ما اتقطفتش!!

**************

(34)

سامحينى يا ام الشهيد..ما جبتلوش حقه..

أبنك – عريسنا – اندفن ورصاصته فى حلقه

والرب عارف وشايف ما جرى لخلقه!!

ابنك شهيدى..خلق عيدى..ورحل صامت

وزاميله واصلو لحد الغمه ..ما غارت

وجات حكومه ورا حكومه تانى وتالت

وصب اموره الرهيبه..المجرم الفالت!!.

واحنا نصرح بضعف يشمت الشامت

ما فضلش غير صوت وليدك فى الفضا الواسع

صرخ فى وش الضلام-ساعة الرحيل-شقه!!

**************

(35)

إخضر تانى الشجر يومها.. كإنه ربيع

و فى قلوب الغلابة اتفجرت.. ينابيع

و اللى إشترى “بكره” بالدم استحالة يبيع!!

و الثورة أبدا ما خلفت يوم.. مواعيدها

صوت مصر فى نبضها.. و النيل فى وريدها

وواقفة بتزغرت اللى رجع لها عيدها..

ثورة.. مواعده القدر و الشعب مواعدها..

فازاى و حاة النبى قوللى حتخمدها ؟

جدودنا ماتوا فداها.. جيل يسلم جيل

تعواريخ حقيقية.. مهما عافرت.. مش حتضيع!!

**************

(36)

بان اللى بان.. و الأدان.. ما كانش برانى

تعبنا عجن و خبيز فى الكانى.. و المانى

يا مصر قومى استردى ثورتك.. تانى

تايه ما عارف حبيبى مين من خصمى

دول أجبرونى أفرط حتى فى إسمى

دخانة الشك سودا و عالية و بتعمى

فمين بيطفى ليلاتى الضى فى حلمى؟

إن كانت خايف فعلا زينا على مصر

إبعد عن اللى بيهدم.. و احضن البانى!!

**************

(37)

هل كنت عاوز انقلاب واحنا عملنولك؟

رجعنا شرعيتك..وهتفنا لوصولك؟

ما فضلش غير الميدان..عاوز نسيبهولك؟

أظننا عرفنا سكت مصر..وطريقها

من بعد طول العطش بل الامل ريقها

كان الشهيد رمزها..بريئها وبريقها

لو بحرمكم طامى عامى .. ما يغرقها

فأزاى تفرقها يا عشمان بتفريقها؟

اوعى تقلب اشعارى بعيونك الشك

لأه ..اعتبر ده جواب..وانا كتبتولك!!

(38)

و انت اللى دافعت عنى ف عركة التغيير

بكره حتقتلنى بإيديك فى ميدان التحرير

كشر بأنيابك السودا.. بلا محاذير

رافع نداك للجهاد.. و يفط آيات الرب

لكن و قلبك عتم مفيهش شىء يتحب

ناوى على قتلنا.. خصومك ولاد الكلب

عارفك ما تكرهش فى الكون قد كلمة شعب

و قد(مصر) اللى ياما فى عرفكم.. تتسب

قاريك و حافضك أنا.. و انت قارينى كمان

نكنس دروب الوطن تفرشها بالمسامير!!

**************

(39)

إن كنتوا فاكرينا راح نسكت ما عادش سكوت

ما عادش حيلتنا فيكى يا مصر.. غير الصوت

و الا انتوا مبتعرفوش إن ف سكوتنا الموت؟

إبقى ميزان عدل.. إلا العدل يا مولاى

إن مال قلبه معاه قوم اعدله وياى

دى ثورة مش لعبة تمشى على هواك و هواى

إحنا منعنا سؤال الليه و فين و ازاى

و لو نسينا فى يوم.. ضميرنا مش نساى

خليك خكيلة مظلة ع الجميع بالعدل

أحسن صريح الكلام.. و الا احسن المسكوت؟!

(40)

إحنا حماة الوطن فى السرا والضرا

واللى يحابى الفساد راح ينطرد ..بره..

الثورة حالفة لتحكم فى بلد حرة

و مهما كان اللى بيطبطب على الفاسدين

الثورة ملهاش عينين اتنين .. لها ملايين

و مادام ضمير الوطن عينكوا مؤتمنين

إوعوا تسيبوا مصيره فى يد ناس تانيين

و إوعوا تستهونوا بغضبة الثايرين

هموا معانا نعدى فوق جسور الود

ومن مرارة اللى فات نخلق جمال بكرة ! !

**************

(41)

ويا شعبى ياللى انت طالع م الضلام للنور

اصحى لكل متحنجل وراك.. بيدور

دى ثورتك جايه لجلن .. تجبر المكسور

حقق فى كل الكلام اللى بيتقالك ..

ماهى للحقيقة وشوش اتعب لها تبان لك

وابعد عن اللى باعوك من قبل.. أحسن لك

تحت الوشوش فيه وشوش أصحابها ناويين لك

عاوز الحياة تبتسم؟ بتقوللى: “إنصحنى”؟!

أجمل نصيحة أقدمها اسمها (الدستور

ورش تحضيرية لـ 8 يوليو"اعاشة-استعداد قانوني,تقني"

2011-07-03T04:15:00.000-07:00

مساء الفل
حنعمل قعدة تحضيرية لـ 8 يوليو متكونة من 3 ورش
الاولى حتكون عن الاستعداد التقني
"بث مباشر,توثيق فيديو, توثيق كتابي لحظي-فايس بوك,تويتر".
الاستعداد وتضبيط الموبايلات لليوم.

الثانية حتكون عن الاستعداد القانوني
"كيفية التعامل مع الشرطة العسكرية في حالة القبض عليك, وبعدها التعامل مع النيابة العسكرية"

الثالثة
استعدادات الاعاشة الفردية والجماعية والصحيه
الميعاد الثلاثاء 5 يوليو الساعة 7 ف هشام مبارك

تحديث بخصوص حادثة تعذيب مواطن بقسم شرطه ثالث الإسماعيليه..الداخليه وسنينها 2

2011-06-22T07:13:00.000-07:00

لما كتبت عن الحادثه دي مكنتش شفت غير الورق والإيميل اللي نشرته زي مجاني ..القضية بيشتغلها زميلنا أشرف عباس محامي هشام مبارك ف الإسماعيليه ..والنهارده وصلني من نجل الضحيه فيديو بيوضح بعض إصابات والده ... أهه واحكمو انتو بقي
http://www.youtube.com/watch?v=PpSeP366wBg

جاتكو نيله مليتو البلد

2011-06-19T17:33:00.001-07:00

حاجه وسخه بكل معاني الكلمه انها تبقي ماشيه ومبسوطه يمكن علشان لسه سايبه حبيبها أو جوزها أو عملت حاجه لطيفه ف شغلها أو أو أو...... ويمكن تكون زعلانه أو فيه حاجه مضايقاها وفجأه وهيا ماشيه ف الشارع تلاقي خنزير بياكلها بعينيه أو بيتحرش بيها بلسان أوسخ من مجاري الحكومه أو حتي يحاول يلمسها بإيديه.. لو محجبه تلاقي جحش بيقول مهيا ماشيه بتدلع ولو مش محجبه تلاقي حمار يقوللك مهيا بتجيبه لنفسها ولو كانت منقبه يقوللك فيه واحده منقبه تحط كحل!!! المهم ان ابن الشرموطه صاحب الرأي اللوذعي ف ضحية التحرش بيفكر في كل حاجه إلا إنه يدافع عنها او ينهر اللي بيعمل كده!! وأنا فعلا مش فاهم ليه...مره حد قاللي دي مهمة الشرطه طب فعلا أكتر ناس شفتهم بيتحرشو هما كلاب الداخليه في أوقات كتيره جدا... بس عايز بقي الكلاب اللي بتبرر التحرش تحت أي طرف يتخيلو ان واحد منهم ماشي ف الشارع لا بيه ولا عليه وتيجي واحده تقوم محسسه مثلا ع مؤخرته أو واحد يبوسه ويجري مثلا..يا تري ساعتها هيبقي شعوره إيه ؟ويا تري هيلتمس نفس المبررات والأعذار للي غرفته مثلا ؟
ييجي جحش تاني يقوللي أصل الناس مكبوته جنسيا وهنا أسأله كرجاله ف بعضينا يعني وهوا بقي لما تبقي هيجان ومكبوت وعايز تنط علي نفسك فالحل انك تشتم واحده معديه من قدامك أو ترزعها كلمتين وسخين زيك أو تلمسها وتجري !!!إيه الفرق بين الكبت الجنسي والهطل يا كابتن ؟؟
الموضوع بتاع التحرش دا فعلا بقي مشكله ليها علاقه بإن الشوارع بتشغي بالمعاتيه وإن عندنا شرطه وسخه آخر حاجه تفكر تعملها انها تشتغل وعندنا ناس جبنا وبيهربو من جبنهم بأي كلام ميعديش علي عيل صغير... والتحرش دا مرض علاجه الضرب بالشبشب في منتصف الدماغ بالظبط واللي بيبرره يبقي عايز حاجه أرفع م الشبشب في حته تانيه لامؤاخذه لأنه كائن وسخ
من حق كل واحده تلبس اللي هيا عايزاه وتعمل ف نفسها اللي هيا عايزاه لأن دي أبسط قواعد الحريه ومش من حقك تتعرضلها بأي شكل أو تسمح حتي بكده أو تلاقيله مبرر لأن دي أبسط قواعد الاحترام...ولو انت بتئذيك مناظر الستات قوي سواء كانوا مش محجبات أو محجبات أو حتي منقبات ابقي غمض عينيك يا علئ أو أقوللك دورلك علي أوضه بعفشة مياه ف جنينة الحيوانات
طبعا كلامي دا موجه للعرر فقط.. جاتكو نيله مليتو البلد

Published with Blogger-droid v1.7.1

الداخليه وسنينها 2

2011-06-18T09:09:00.000-07:00

الإيميل داه جاني زي مهوا كده .. صححت فيه بس شوية أخطاء لغوية ، وطبعا الكلام حقيقي لأني قابلت ابن الضحيه في مركز هشام مبارك للقانون واطلعت علي كل الأوراق اللي بتثبت صدقه وكمان محضر الشرطه والتقرير الطبي الخاص بوالده :

الاسم . عماد الدين احمد محمود - 53 عاما - من محافظة البحيرة مركز ايتاى البارود - موظف بالهيئة القومية للتامينات والمعاشات بشمال سيناء

خرج فى مأمورية تابعة الى العمل الى الإسماعيلية والقاهرة ترك سيارته فى الإسماعيلية للتصليح بأحد الورش بالإسماعيلية وذهب لينهى مأموريته فى القاهرة وعاد إلى الاسماعلية لينهى مأموريته ويأخذ السيارة من الإسماعيلية ذهب الى طريق البلاجات وهناك (تعرض لحادثة تعدي من قبل أشخاص مجهولين تسببت في إصابته في انفه ورأسه من الخلف ) تجمع الناس وحضر ضابط من الجيش وفتح السيارة فرأوا المظروف الخاص بالمأمورية وتأكدوا من صدق كلامه حيث أن حادثة التعدي تسببت في ضياع رخصته وبطاقته الشخصية ومفاتيح سيارته وقام ضابط الجيش بالإتصال بسيارة إسعاف لنقله للمستشفي العام وتم إسعافه وخرج من المستشفى على قدميه وكان هناك آثار دماء على قميصه بسبب نزيف رأسه وأنفه فقام بتوقيف تاكسي امام البوابه لتوصيله إلي مدينة العريش نظير المبلغ الذى يطلبه لأنه لا يقدر يقود سيارته وكان مرهق من السفر فقال له سآخذ 300 جنيه فأعطاه المبلغ الذي طلبه وبعدها اخذ يسير لمده عشر دقائق به فى البلد وفوجئ به أمام قسم شرطه ثالث الاسماعلية وأنزله من التاكسي وسلمه إلي أمين شرطه قائلا حفلتك يا باشا واتهم الرجل بأنه لص وحاول ان يغرر به ليسرق منه السياره فقامو بالقبض علي الرجل وكلبشوه فى القفص الحديدى مع العلم انه كان لا يوجد بالقسم سوي 3 افراد لدخول فترة اليل كلبشوه فى القفص وانهال امين الشرطة عليه ضربا بيديه وقدميه وبأوسخ الشتائم فقال له عماد انا رجل محترم واعمل بالمعاشات وابني فى حزب الغد ومن شباب الثورة أنا مش مجرم انت بتعمل معايا كدا ليه ؟ فنهال عليه بالضرب اكثر واكثر وكان يخرج مطواه من جيبه ويخدشه فى جنبه او فى ظهره ويهدده بالطبنجة الميرى والملازم موجود يشاهد ويستمتع وفى نفس الوقت عماد كان لم يأكل ولم يشرب منذ اكثر من يوم اتسلو عليه طول اليل وعندما كانت عيناه تغفل من كثر التعب والضرب كان يفاجئه برعب سواء بالطبنجة فوق راسه او بقدمه او بيداه وحينما حضر العسكرى الخاص بالنظافة فك الامين الكلابش وقال له ياله يابن .... اكنس القسم والعسكرى يضربه ليكنس وهو لا يقدر ان يرفع يد او يمشى حتى بقدمه تعامل معه هؤلاء كأنه يهودى وأجبروه علي كنس القسم وتنظيفه بالضرب ثم عاد وكتب امامه المحضر فى يوم 7 /5

وكان يفبرك له الكلام ثم اخذه الى المستشفى وكتب له التقرير ووقعه من الطبيب وهو فى الخارج لا حول له ولا قوة ثم عاد به الى القسم قبل ان يعرضه على النيابه دخل الى الحوش المحيط بالقسم وقالو له لو ما قولتش ادينى الحقنه بسرعة ارجوك محتاج الجرعة سوف نضربك اكثر يابن ....... وهو لا يعى هذا الكلام فانهالو عليه ضربا على الاقدام وعلى الظهر من فوق وتحت واخرج له امين الشرطه عضوه الذكري وقال له "مص" فقال له اقتلني اولا المهم اخذه الى النيابه وكان معه سائق التاكسى ربنا ينتقم منه وكان عماد فى حاله لا يرثى لها امام النيابه لدرجه انه كان شبه فاقد الوعى وكانت كلمته محصلش انا موظف فى المعاشات ومقيم بالعريش اخلى سبيله وكيل النيابة من القسم ان لم يكن على ذمة قضايا أخرى... دخل القسم مرة اخرى فودعه أمين الشرطة بضرب شديد وتركه وهو لا يقدر ان يخطو خطوه ولا يدرى بنفسه ... وأفاق ليجد نفسه فى مستشفى الزقازيق وعندما حضرت انا ابنه تحريت عن الموضوع كان قد حجز فى مستشفى الجامعة لمدة ثلاثه ايام وهو يعانى من اصابات بالغة ذكرها التقرير الطبى وذهب هو الى المستشفيات بالتسلسل 1 الاميرى 2 الجامعة 3 الزقازيق 4 مستشفى السلام الدولى والمستشفيات الثلاثه الأولي اهملو فى حقه واجرت له مستشفى السلام الدولى 5 عمليات صعبه جدا منها عمليه تثبيت فى كف يده بسبب الكلابش الذي علق به فى القفص واصابات كثيره مذكوره في التقرير منها كسر بالفقرات القطنيه ومن جراء الذى حدث سمعت زوجته كنا قد اخفينا عنها فهرولت الى المستشفى وهى تخطو الطريق صدمتها سيارة اجره فماتت فى الحال وهرب سائق الاجرة وحرر محضر بذلك واخيرا نقل إلي مستشفى دار السلام بدمنهور والمستندات الموجودة و التقارير الطبيه بالتسلسل من يوم الحادث الى هذه الساعة 97 اشاعة . محضر قسم الشرطه الفاسد تصوير للاصابات التى تعرض لها ...باع هذا المجنى عليه سيارته وبيته وجلس اولاده فى شقة ايجار وعم الخراب بسبب الشرطة الفاسدة التى لا زالت موجودة

المرادي الضحيه مش بلطجي ولا سواق توكتوك ولا ميكروباص ولا اتعدي علي ضابط شرطه ولا مطلوب في أحكام... يا تري رد الداخليه هيكون إيه ؟؟

فقط في مصر : الموت يأتي مرتين

2011-06-10T09:23:00.000-07:00

امبارح كنت خارج من بيتنا لا بيا ولا عليا ومعنوياتي عال العال .. عرفت من تويتر ان فيه جنازة ل 19 من شهداء الثوره المصريه مقدرتش السلطات تتوصل لأهاليهم أو تعرف أي حاجه عنهم ولقيتني ممكن ألحق الجنازة .. فيه حد يتأخر عن جنازة اخواته اللي عاشوا وماتو ميعرفهمش بس ماتو علشانه ؟

وطول الطريق كنت عمال اقول يا تري هيبقي فيه هناك كام ألف بني آدم بيشيعوا الأبطال دول ويا تري من الزحمه هقدر ابوس نعوشهم ورجولهم وقعدت اقول يا رب سهل علشان أنا لو ما عرفتش أبوس رجل كل واحد فيهم هيحصللي حاجه ... ساعات بحس نفسي مأفور في مسألة الموت والمرض دي أنا حتي مبحبش أعزي ولا اروح المقابر بس انتو يخواتي لاء هاجي انشالله زاحف ... وصلت المسجد لقيت قدامه حوالي عشرين تلاتين واحده ست من أهالي المنطقه وكام كاميرا تليفزيون المهم دخلت المسجد لقيت مشهد رهيب خلاني خرجت فورا لأني مستحملتش ، جزء كبير من أرضية المسجد متغطي بنعوش اخواتي والنعوش ملفوفه بعلم مصر .. فجأة لقيتني رجعت تاني ليوم 28 يناير والأيام اللي بعده ومنظر الناس وهيا بتقع وملامحها بتبتسم وكأنهم بيقولو وفينا الدين وعملنا اللي علينا كملو انتو بقي .. خرجت بره المسجد زي المتكهرب مقدرتش أكمل ووقفت قدام باب المسجد وابتدت النعوش تخرج واحد ورا التاني مشهد مهيب مقدرتش أعمل أي حاجه غير إني ابكي وأسلم علي كل نعش بإيدي والستات سكان المنطقه اللي حواليا ابتدو يعيطوا فواحده قالتلهم بتعيطو ليه زغرطو للعرسان ..فابتدو فعلا يزغرطو ودموعهم نازله ويهتفو : لا إله إلا الله الشهيد حبيب الله .. وواحده كانت في حالة شبه هستيريا عماله تقول بلا انقطاع ربنا يحرق قلب اللي حرق قلوبنا وقلوب أهاليكو عليكم ياولادي ...ابتدت قافلة النعوش تتحرك باتجاه مدافن البساتين والناس ف الشوارع اللي ف الطريق بتسأل وكل ميعرفو ألاقي واحده بتزغرط من هنا أو من هناك والناس بتوطي وشها ف الأرض لحد الموكب ميعدي من قدامهم ، وصلنا مدافن البساتين واتحطت النعوش عالأرض فرحت وقفت قدام المكان اللي هيندفنو فيه واستأذنت الراجل اللي جوه اني ابقي معاه قاللي بلاش علشان المدخل ضيق فابتديت اشيل مع الناس الجثامين من النعوش واتعمدت اشيل الجزء الأسفل علشان أقدر أبوس رجل كل واحد أو واحده فيهم وخلصت عملية الدفن واثنائها لقيت فيه واحد عرفت بعدين انه موظف من رئاسة مجلس الوزرا اسمه سيد أبو بيه بيعرف نفسه علي إنه من شباب الثوره وموظف بمجلس الوزرا بيتخانق مع مصور بيصور عملية إنزال الجثامين جوه المقابر وبيقولله دا مش إنساني ومأفور جدا وطبعا مكانش فيا دماغ أكلمه لأني كنت مشغول باللي بعمله .. وبعد ما خلصنا ابتدي صوت النقاش يعلي بين المصور وبين موظف مجلس الوزرا وزمايله والمصور بيقول ان دا تاريخ ولازم يتصور مش كفايه الناس بتندفن بشكل غير لائق وابتدي النقاش يتفرع والصوت يعلي .. ولقيت شابه عرفت بعدين انها سلمي الدالي بتقوللهم انتو مش مكسوفين من نفسكم يا فجره بتتخانقو علي إيه ؟ومتنرفذه جدا من اللي بيحصل ... كان حاضر عملية الدفن حوالي 100 واحد معرفش منهم غير غاده شهبندر وسلمي الدالي وبلال دياب والباقيين مصورين وصحفيين وعمال المقابر وعدد قليل جدا من الستات والرجاله ... المشهد هزني قوي خاصة وإن المقبره قذره ولا تليق بكلب يندفن فيها فما بالك بشهيد مات علشاني وعلشانك ؟ رجعت لقيت فيه جدل حوالين اللي ماتو دول شهدا وللا مساجين واستفزيت بشكل بشع وضغطي علي وابتديت أجيب دم من مناخيري .. ياولاد الكلب ياولاد الكلب الشهدا بيتشوهو بالشكل داه ؟ حتي لو كانو مساجين مش ماتو من غير ذنب مش ماتو علشان رفضو يخرجو م السجون ؟ وبعدين انا بحكم شغلي أعرف ان المساجين بياناتهم الكامله بتبقي موجوده في جهات كتير ف وزارة الداخليه يعني يسهل التعرف عليهم ويسهل الوصول لاساميهم وأهاليهم فأنا اصلا مش مصدق قصة انهم مساجين دي إلا لو كانو مقبوض عليهم أثناء الثوره وماتو تحت التعذيب أو كانو معتقلين سياسيين في كل الاحول هما شهدا وكوننا بنفرق بين الشهيد الحر والشهيد المسجون فدا عار لأنهم في كلا الحالتين ماتو علشان أو بسبب اننا بننتزع حريتنا ... فين الإئتلافات والأحزاب والوزرا وشباب الثوره اللي قربو يطلعو لنفسهم كارنيهات شباب الثوره ؟ فين العيال والناس اللي أكلت وشربت بدم الشهدا دول علي كل موائد الدنيا ؟ فين المصريين اللي طول عمرهم جنائزيين بالفطره ؟ ليه لم يتم الإعلان عن الجنازة والترتيب ليها بشكل لائق ؟ نكلم مجلس الوزرا يقولو كان فيه ممثلين من مجلس الوزرا وتكلم ائتلاف خولات الثوره يقوللك كان لينا ممثل حاضر الجنازه .... ممثل ياولاد الكلب يا رمم 19 شهيد تبعتولهم ممثل ولوا م المجلس العسكري تتحاربو علي مقابلته ويروحله عشرين لاء رجاله بجد والشهامه متوافره فيكم عالآخر ....تطلع شرموطه م الطب الشرعي تقول انهم مساجين ، مش الطب الشرعي دا برضه بتاع اللفافه ؟ بتصدقوه دلوقت علشان تعفو نفسكم من خيانة دم الشهدا ؟ يعني اللي يموت علشان البلد دي بقي محتاج شهاده رسميه انه شهيد ؟ ينهار ازرق ينهار ازرق الله يخرب بيوتكم الله يخرب بيوتكم ... بالنسبالي أنا شهدا وماتو علشاني وبست رحليهم واحد واحد وواحده واحده وحضرت جنازتهم ومش هنساهم ابدا وهسميهم وهخترعلهم قصص وأحلام وهحكي لولادي ولأهلي عنهم... بس عايز اقوللكم ان الشهيد ف البلد دي بيموت مرتين مره علشان حلمه وحلمنا ومره علشان انتو بتمرمطو بكرامته الأرض بالرغم من انكم بتاكلو وتشربو بدمه ... عادي مش جديده عليكي يا بلد ، مش الشهيد سليمان خاطر برضه هواللي موت نفسه ؟ عموما هسيبلكم الصوره دي علشان دايما تفتكرو قد ايه انتو بتحتفو بشهداؤكم وبتكرموهم

هكذا قلت لنفسي

2011-06-10T07:56:00.000-07:00

لكي يرشدك النجم في معاركك
لا بد أن تخوضها بكرامة
لا تطعن أحدا من الخلف
كن رقيقا كالوردة
وصلبا كالسيف
سيف الشرفاء الذي لا ينكسر
تحت وطأة الكراهية
كن سريعا كالنسمة
تصحب معها هواءا باردا منعشا
ولا تكن كالريح العاتية
تجرجر ورائها أتربة تغشي الأبصار
كن واضحا كالنهار
وكن هادئا كليل عاشقين متيمين
وساعتها قد يدركك النصر
وإن أدركتك الهزيمة
فلا تبتئس
يكفيك أن كان النجم حليفك
وإن شربت نخبا فاشربه لأنك انتصرت
لا لأن غيرك قد انكسر
********************
الفروسية هي كراهية الانتقام
الفروسية هي مجافاة اللئام
الفروسية حياة بجوار الحياة
الحياة طريق الموت
حياة الفروسية طريق الخلود
جسد الفارس لا تقترب منه الديدان
روح الفارس لا تبلي
كلمات الفارس لا تنسي
حصان الفارس
لا يجفل ابدا ولا يركع ابدا
ولا يسقط فارسه إن كان حقا فارس
سيف الفارس
لا يصدأ ولا ينكسر
سيف الفارس يقضي علي الجسد
لكنه ابدا لا يقرب الروح
سيف الفارس يطهر ولا يلوث
سيف الفارس يسيل الدماء لكي يحقنها
الفروسية تنتزع ولا تمنح
لذا فلا تمنحها لأحد نكاية في آخر
واذا خلقت فارسا من لا فارس
فلا تنسي أن تتحسس رقبتك كل يوم
*********************
حياتك هي الطريق الوحيد لموتك
موتك هو قطارك إلي حرية الروح
هو موعدك المرجأ مع اللاانتظار
هو راحتك من عناء معايشة الأشباه
أشباه البشر
أشباه الفرسان
أشباه الأحبة
لو أنك فقط تعلم
أن موتك هو الراحة الأبدية
وأبدية الراحة !!!
فقط اتبع النجم
ولكي يرشدك
احرص علي أن تكون عين مياهك رائقة
اصقل مراياك بعناية فائقة
ولا تبحث عن موت غيرك
ولا عن غير موتك
إن تلحق قطارك بسكينة تسلم
*******************

تحديث بخصوص حادثة العمرانيه

2011-05-31T05:03:00.000-07:00

الداخليه في الحادثه كانت بتقول إيه بقي ؟ هاه ؟ نفكركم ببيانهم هنا

http://tinyurl.com/3g3w3p4

قاللك ان المجني عليه سبق اتهامه في عدة قضايا ومطلوب للتنفيذ عليه في القضيه 26934 لسنة 2008 جنح العمرانيه يعني عليه حكم صح ؟

نبص مع بعضينا علي صورة الشهاده الرسميه دي :

بتقول الشهاده إن المحكمة حكمت في القضيه بانقضاء الدعوي بالتصالح بتاريخ 21/6/2009 يعني كدابين آخر تلاتين اربعين حاجه وبيحاولو يشوهوا سمعة المجني عليه بشكل قذر

طيب أخدوه م المستشفي علي فين ؟

علي حجز قسم الجيزه بالرغم من ان تقرير تسليمه لهم بيقول إيه ؟ نبص عالصوره بتاعة التقرير هنا :

بيقول مطلوب له وجبات متعدده متكرره لينه وغير مشبعه مع حزام للبطن وغيار يومي لمدة عشرة أيام ... وطبعا من حرصهم علي حياته رموه في حجز قسم الجيزه والراجل بينزف دلوقتي وأهله خايفين الجرح يتلوث بسبب قذارة الحجز والحر والمأمور رافض يوديه المستشفي وبيقولله علشان نغيرلك عالجرح لازم قسم العمرانيه يقول لأنك أصلا مش المفروض تتحجز عندنا !!!!

عزيزتي حقوق الإنسان : وحشتيني قوي .... وسالخير يا شرطه ياللي ف خدمة الشعب

الداخلية وسنينها

2011-05-29T06:47:00.000-07:00

حسن صبحي حسين 28 سنة سائق توكتوك بالعمرانيه وأثناء سيره في اتجاه مخالف استوقفه ضابط مرور يدعي عيسي السيد راشد وقام برفع التوكتوك علي ونش المرور وبعد رجاء السائق للضابط أن يتركه :

دي رواية الداخليه :

http://tinyurl.com/3g3w3p4

وبالنسبة لرواية أهل المجني عليه :

سواق التوكتوك انطلب منه 200 جنيه علشان يخلوه ياخد التوكتوك ويمشي فاتصل بأخوه محمود صبحي حسين وقالله هات معاك 200 جنيه وأوراق التوكتوك وتعالي فالراجل جه وقعد يتحايل عالظابط علشان المبلغ دا كبير (إضافه:الشهود أكدولي انه دفع المبلغ بس أصر انه ياخد إيصال باللي دفعه فيما بعد الكلام دا عرفته بعد ما كتبت التدوينه دي لذا لزم التنويه ) فالظابط قالله : هوا انت المحامي بتاعه يابن ال......اكه ... محمود قال للظابط امك مش أحسن من أمي ورد عليه الشتيمه فالظابط أمطره بسيل من الشتايم وقالله لو ممشيتش من هنا هضربك بالنار محمود قالله انت كداب ومش من حقك تعمل كده ... فالظابط طلع سلاحه الميري وهدد محمود اللي رفض يمشي من غير التوكتوك اللي بياكله منه عيش وصمم علي طلبه وحصلت مشاده كلاميه بينه وبين الظابط اللي أطلق عليه عيارين ناريين واحد في بطنه وواحد في أعلي فخذه الأيمن والناس شالوه وطلعوا ع مستشفي أم المصريين .. وجه ظابط مباحث من قسم العمرانيه قال انه عايز شهود الواقعه علشان يعملو محضر بيها وفعلا راح معاه اتنين شهود وأخو المجني عليه وقاله ان الظابط هواللي غلطان فاعتدو عليهم بالضرب في القسم ورموهم ف الحجز وعملولهم قضية تعدي عالسلطات وجابو شهود تانيين يشهدو برواية المباحث والنيابه قررت حبسهم 4 أيام علي ذمة التحقيق وبعدها جددتلهم 15 يوم تانيين وامباحث كانو مصممين ينقلو محمود م المستشفي لمستشفي السجن ولكن حالته ما سمحتش وكلبشوه ف السرير

أهل محمود نزلو التحرير يوم الجمعه 27 مايو يطالبو بحق ابنهم من الداخليه ومن ساعتها كل شويه رتبه تروح أوضة محمود في المستشفي يهروه شتيمه وتهديد ويمشوا ودلوقت محمود وأخوه مهددين بإنهم يتحبسوا ظلم بالرغم من إن الظابط هواللي أخطأ وخالف قواعد استعمال السلاح الناري المنصوص عليها في قانون هيئة الشرطه إضافة لإنه محدش عارف الإصابات اللي في المجني عليه اللي كانت ممكن تقتله بسهوله محدش عارف هتسيب فيه عاهه مستديمه وللا لاء ؟

وطبعا أنا مش مصدق رواية الداخليه إطلاقا لسبب بسيط هوا انهم قالو في بيانهم ان الظابط أطلق عيارين نار في الهوا وواحد علي قدم المجني عليه بس واضح انهم عندهم مشكله في العد ومشكله في معرفة القدم من البطن

وادي صورة محمود

وادي فيديو لمحمود متكلبش وهوا في حالته الصحيه الزفت

والحدق يفهم بقي مين اللي بيداري ع مصيبته

الله يرحمك يا رجوله

2011-05-22T16:23:00.000-07:00

أولا وقبل كل شئ : حكم عسكر تاني لاءءءءءءءءءءءءه كفايه كده

كفايه كده لأننا متنصفناش فيكم ، كفايه كده لأنكم بتحاولو تدونا علي قفانا كل منديكم ضهرنا ، كفايه كده لأننا مخلصناش من محاكم مبارك الظالمه علشان يطلعلنا ماكينات إدانه،كفايه كده لأن أسلوبكم في التعامل مع الناس بيقول ان العادلي وزبانيته مكانوش فلته،كفايه كده لأن واضح ان مصر منصابه ف مجالسها واي حاجه اسمها مجلس مبتوريناش يوم حلو ، كفايه تعذيب وكهربا ، كفايه اعتقال بدون وجه حق ،كفايه تلفيق تهم ،كفايه محاكمات جايره، كفايه دكتاتوريه ،كفايه ضحك عالدقون

المجلس محماش الثوره ومكانلوش دور فيها وانتو عارفين كويس ان الجيش دا بظباطه وعساكره ملك الشعب ومنه وروحهم فداه وعمرهم ما كانو هيمدو إيديهم علي حد من الثوار ..إنما انتو ...... هاه من أيام المخلوع :*) ... إحنا تخيلنا انكم فهمتو اللي فيها وان الكفن مالهوش جيوب " ضحكه شريره " وان الشعب لما يقوم وينادي هيبقي يا هوا يا أي حد في الدنيادي ... اللي رزع الأمن المركزي بظباطه بمدرعاته وعربياته وسلطاته وبابا غنوجه علقة ما أكلهاش حرامي ف حاره سد قادر يكرت أي حد علي قفاه ... واحنا بالصلاه عالنبي قرينا الفاتحه ف أول الثوره دي عالخاين والمفتري وابن الحرام .. ما تلايموها بقي وكفايه وتتكلو علي الله من غير مطرود إحنا مخلصناش من مبارك علشان يطلعلنا تسعتاشر مبارك ... هوا تدوينة مايكل نبيل بتغيظكم ؟؟ هاه بتغيظكم طب أهه http://www.maikelnabil.com/2011/03/blog-post_07.html

وبعدين إيه ماسورة الوطنيه اللي طفحت منكم إذ فجأة دي ؟هاه ، وخلاكم تخونو الناس بدون مبرر وتقولو انكم بتفهمو أحسن من أي حد ؟ وانكم بتحبو البلد دي أكتر مننا ..... هافف عليا قوي واحده : يحز في نفسي J

طب وهوا ماسورة الوطنيه ومدرسة الوطنيه اللي فالقيننا بيها دي مقالتلكوش ان عيب تبقو واقفين بدباباتكو ومدرعاتكو وسلاحكو واحناللي ندافع عن نفسنا ف التحرير ؟ هاه ؟

طيب مدرسة الوطنيه خلتكو تطنشوا أول كنيسه تتحرق في مصر من أيام عمرو بن العاص وتسيبوها للبلطجيه ؟ هاه ؟

طيب هيا دي المدرسه برضه اللي خلتكم تضربو نار يوم 9 ابريل طول الليل علي 700 شاب صغيرين ؟

طيب هيا دي المدرسه اللي قالتلكم تسمحو بضرب النار الحي علي المتظاهرين ضد الصهاينه ؟

طيب هيا دي المدرسه اللي خلت شوية معرصين من الشرطه يلووا دراعكم ويحرقو ورق ادانتهم وتزودولهم مرتباتهم كمان وميشتغلوش ؟

طيب هيا دي المدرسه اللي خلتكم توافقو من زماااااااااااان ان سينا تبقي منزوعة السلاح ؟ "الشهيد سليمان خاطر بيتف عليكم ع فكره "

طيب تكونش برضه هيا المدرسه اللي خلت حد منكم يقول لحسن نافعه وحسام عيسي وجمال زهران انتو كنتو فين واحمدو ربنا اننا مش زي ليبيا ؟ " هيا المدرسه دي مفيهاش جرايد وللا إيه ؟

وهيا دي المدرسه اللي علمتكم ان الديمقراطيه انكم تعملو استفتا علي عشر مواد وتسيبو الناس تقطع بعض وبعدين تنزلو اعلان دستوري 62 ماده ؟

طيب هيا دي برضه المدرسه اللي الفنان التشكيلي فيها بيبقي بلطجي ؟

طيب متعلمتوش في المدرسه دي إن عيب صور مبارك تبقي علي حيطانكم وهوا قاتل 1000 شاب زي الورد من ولاد البلد دي ؟

طب في المدرسه دي علموكم ان السجن زيه زي المستشفي وان شرم الشيخ متفرقش كتير عن طره ؟

طب قالولكم في المدرسه دي انكم آلهه مثلا ؟ ومينفعش الناس تنتقد أدائكم السياسي ؟

طب مقالولكوش في المدرسه دي ان اللي بيلعب بالنار بيتلسع منها ؟

طب مكانوش بيدرسولكم هناك أمثله شعبيه زي ان اللي بيتلسع من شوربة مبارك ينفخ في زبادي المجلس ؟

طب قالولكم في المدرسه دي انكم تخوفو الغلابه وتسمحو بالإشاعات بتاعة المخزون الاستراتيجي خلص والحركات دي ؟ هاه ؟

طب قالولكم بصراحه في المدرسه دي اننا هبل أو لسه برياله مثلا ؟

الله يرحمك يا رجوله

نجيب بقي م الآخر : انتو بتقبضو مرتباتكم علشان تدافعو عن البلد دي ضد العدو الخارجي ..يعني م الآخر الحدود قشطه جدا عليكم علشان تقريبا احنا شكلنا مش عاجبكم وعفا الله عما سلف ، ادونا بس شوية الصيع اللي شتمو الثوار وكهربوهم وعذبوهم ولفقولهم تهم نتعامل معاهم بمعرفتنا واتكلو علي الله طريقكم أخضر أو اقوللكم ما تروحو تجيبو المليون ونص مصري اللي مزنوقين ف ليبيا ؟ فكره والله ونزفكم لحد السلوم بالطبل البلدي كمان ... وبما انكم بتقبضو مرتباتكم من جيوبنا هقوللكم زي الرأسماليين مبيقولو : خافو علي أكل عيشكم وكفايه كده .... لقد ورمنا ......ورمنااااااااااااااااا
ونسمع مع بعضينا واحده من روائع الطرب :)

بسم الله الرحمن الرحيم ....الإجابه : التحرير

2011-05-17T04:51:00.000-07:00

عملنا ثوره بعد 30 سنه ظلم وقهر وقلة قيمه وتعذيب وسرطان وفساد وسرقه ونهب وتفريط في الأرض والعرض ومطاطيه للي يسوي واللي ميسواش … وخرجنا وخسرنا في المعركه أكتر من 1000 شاب وشابه ..بوكيه ورد راح فدا البلد دي غير المصابين واللي بقوا معاقين للأبد ، اللي اتعمي واللي فقد الحركه …. إلخ … وقلنا الجيش والشعب إيد واحده وهيحمونا وقالولنا اننا هنحافظ علي مطالب الثوره وهنسعي لتحقيق طموحات الشعب المصري : نبص بقي بصه سريعه كده :

- من مطالب الثوره :

* إلغاء جهاز أمن الدوله ومحاسبة الضباط المتورطين في قضايا تعذيب واعتقالات بدون وجه حق ..وكانت النتيجه إحلال جهاز الأمن الوطني مكان أمن الدوله بنفس الضباط اللي طلعوا ديننا

* الغاء قانون الطوارئ … لسه فيه قانون الطوارئ

* حريه وكرامه … لسه بنتعذب وبيتقبض علينا بدون وجه حق وبنتكهرب وبنتحاكم محاكمات جايره والبرامج بتتقطع في النص لو الكلام مش عاجب ولازم الكل يطبل

* عداله اجتماعيه ..قاللك احتجاجات العمال (المطحونين واللي طلعان عين أهاليهم ) فئويه وعملولنا قانون بيجرم حتي الاضراب والاحتجاجات ولا قالولنا فيه حد أدني للأجور ولا حد أقصي .. ولا أي بلح

* تصدير الغاز لإسرائيل ...شغال زي الفل واحنا مش لاقيين انبوبة بوتاجاز

* محاكمة مبارك …....... طلعت نكته أول مره اشوف واحد محبوس في العنايه المركزه وإيه كمان قبل ما يتحاكم ولا ياخد أي عقاب بيقوللك بيطلب العفو وهيذيعو الاعتذار كمان

* طب محاكمة سوزان ..برضه في العنايه المركزه الخمس نجوم

* طب علاء وجمال .. محبوسين احتياطي ومافيش اي اجراء وقلبولهم طره ولا بورتو مارينا

* طب بيقة الشله ..يا دوبك كانو بيخزو العين بحبيب العادلي

*اطلاق الحريات ..اي حد يقول بقين في السليم بيتشيع ..بثينه كامل مثالا

* طيب معاشات للمصابين وأهالي الشهدا … طلعت بلح

وعلي رأي عمنا الأبنودي : خطب كتير وكلام ودعايه في الإعلام كله كلام في كلام

وخد عندك بقي :

* الشرطه مبتشتغلش زتدخل قسم تطلب نجده يقوللك مش عملتو ثوره اشربو

* كنايس بتتهد وتتحرق

* سلفيين ومسيحيين مطلعين دين أم بعض

* الحمايه ما بتبقاش لازمه غير للحفاظ علي علي مقر السفاره الاسرائيليه ومفيش مانع من ضرب النار في المليان والقبض علي الشباب اللي زي الورد وشيع عالمحكمه وكأنهم هما سبب اللي احنا فيه

* وخد عندك بقي : الحقو يا ناس الاحتياطي الاستراتيجي بيخلص .. تيجكو حمرا علي فكره

أزمة السولار مجابتش نتيجه يبقي خلاص نعمللهم أزمه في البنزين

…........ الرد المناسب في الحاله دي هوا أحا علي فكره

مبارك وسوزي والكلبين الصغيرين وبقية العصابه لازم يتحبسو لأنهم أجرمو فحق شعب ، زمايلنا المحبوسين في قضايا فشنك لازم يخرجو ، العداله الاجتماعيه والحريه هيحصلو هيحصلو وقانون الطوارئ برضه هيتلغي وكل اللي قلنا عليه هيتعمل …. ولو مش مصدقين احب اقوللكم : ان كنتو نسيتو اللي جرا هاتو الدفاتر تنقري وافتكرو كويس احنا عملنا إيه من كام شهر

ولو عايزين تصدقو أكتر تعالو اتفرجو علينا ف التحرير يوم 27 مايو انشاءالله

محسن

2011-05-15T11:47:00.000-07:00

يوم 28 يناير وانا واقف ف ميدان التحرير عند الجامعه الأمريكيه بصيت عالشاب اللي واقف جنبي .. لفت انتباهي صغر سنه وملامحه المصريه قوي ، شعر مجعد وبشره قمحيه اقرب للسمار وبيهتف بحماس ملفت وصوته رايح من كتر الهتاف ، لقاني ببرقله قاللي فيه حاجه يا كابتن قلتله انت مش صغير شويه علي انك تبقي هنا ؟ قاللي اتصدق عيب عليك يا هندسه .. هوا انا مش مصري وللا ايه ؟ مفيش حد هنا احسن من حد علي فكره ومفيش النهارده صغير ولا كبير بقوللك ايه معاك سيجاره ؟ اديته سيجاره شد منها نفسين وقاللي اتصدق بالله ؟ أنا شفت في البلد دي مرار قد راجل عنده 40 سنه وعالم مالهاش لازمه كل يوم تقل قيمتنا وحاجه قرف ... قلتله أهلك عارفين انك هنا ؟ قاللي هوا فيه حد النهارده أهله هيسألو عليه ؟ أي واحده عندها عيال ومخبياهم تبقي مخلفتش رجاله بصيتله وضحكت وقلتله خللي بالك من نفسك وما تروحش يمة وزارة الداخليه علشان فيه ضرب نار .. قاللي يا باشمهندس الأعمار بيد الله ..انت خايف وللا ايه ؟ قلتله مش خايف ع نفسي بس خايف عليك .. قاللي انا مبسوط علشان كل واحد يقابلني يقوللي انه خايف عليا ، قبل كده فيه ناس كانت بتبصلي كأني جربه ولو مت النهارده مش هزعل .. مش احنا بنعمل حاجه صح ؟ قلتله طبعا دي بلدنا ومستقبلنا ... قاللي ربنا يوفقنا ... بعدها سمعنا صوت ضرب نار اتلفتنا علشان نعرف الضرب جاي منين وهوا اتحرك خطوتين جنبي وفجأه لقيته وقع عالأرض فوطيت عليه لقيته بيبتسم ومبيتكلمش وانا مش عارف ايه اللي حصلله ، لقيته واخد رصاصه في جنب دماغه الشمال (معرفش ساعتها انها رصاصه ) شلته انا وكام شاب واقفين ورحنا المستشفي الميداني والدكاتره اللي شافوه قالو انه غالبا عنده نزيف داخلي شديد ومش هيكمل ، حاولت الاقي ف جيوبه بطاقه او كارنيه او موبايل بس مالقيتش .. قفلت عينيه بإيديا وبقيت مش شايف قدامي ... الولد داه عمري مهنساه وحازز في نفسي اني متعرفتش عليه أكتر ولا عرفت اسمه حتي بس شكله ابدا مبيفارقنيش وهوا واقع عالأرض وبيبتسم ... عينيه كانت بتقول كلام كتير كان نفسي اسمعه منه ..

تاني يوم جاني في هشام مبارك واحد ومراته بيسألو ع ابنهم 16 سنه واسمه محسن وكان في التحرير ومارجعش ولا لاقيينه وعرفو ان في ناس ماتت وقلقانين عليه .. الطبيعي اننا كنا بنطلب من الناس صوره للمفقود او وصف ليه وكان معاهم صوره ... شفت الصوره وطلع هوا نفس الشاب .. جريت ع مالك مصطفي حكيتله وسألته اعمل ايه ؟ نصحني اني مقوللهمش دلوقت ... وقلت للناس فعلا اننا اول منعرف خبر عنه هنبلغهم واديتهم تليفوني وأخدت تليفونهم وبعدها بكام يوم اتصلو بيا وقالو انهم لقيوا محسن في المشرحه وابوه قاللي انه علي قد ما حازز فيهم فراقه بس امه نازل عليها سكينه غريبه وبتقول انا لله وانا اليه راجعون وان هيا مبسوطه علشان ابنها مات شهيد ومات راجل وهوا كمان فرحان بابنه .

الله يرحمه ويرحم كل الشهدا

القصه دي حقيقية بكل تفاصيلها ... ومهداه لتجار الثوره والمتاجرين بدماء الشهداء

اضطراب

2011-05-11T09:08:00.000-07:00

أكاد أجزم بأنني لست علي ما يرام .

كانت تلك إجابته عندما سأله أحدهم كيف حالك.. ودائما ما كانت تلك إجابته إذا سأله أحد عن أحواله منذ .... منذ متي ؟ هو لا يعلم تحديدا ، فقط هو يعلم أن كل يوم يمر عليه يذهب بقطعة منه بلا رجعه .. شعور بأنه يتناقص .. شعور غريب أن تشعر أنك تنفذ .. حاول حماية نفسه مرارا وتكرارا تارة بهالة من العلم وتارة بهالة من الدين وتارة بهالة من الحب وتارة بهالة من الانعزال وتارة بالموسيقي أو بجمع من الأصدقاء ولكن كل ذلك لم يجدي نفعا ... دائما كانت روحه في حاجة إلي حماية من نوع ما لم يستطع توفيرها ... راودته فكرة الرحيل مرارا وتكرارا ولكنه يعلم تماما أنه إذا ذهب فلن يعود ، ترك نفسه للريح لعل روحه تستكين لكن زاده ذلك شقاءا علي شقائه ... شغل نفسه بالأسرار : سر الحياة وسر الموت فجذبه سر الموت ومن وقتها نذر نفسه للبحث عنه .. أعجبته الفكره فالموت له بريق لا يقاوم ، الموت هو الرحلة الوحيده التي اذا قمت بها فلن تعود لتروي ما شاهدت ، هو الرحلة الوحيده التي لا نقول لمن حولنا إلي اللقاء قبل أن نقوم بها .. هو الرحلة الوحيده التي تضمن لك راحة ابدية من كل ما مررت به وتقطع عليك طريق المعاناه ، لكن هل تبدأ مع تلك الرحلة معاناة من نوع جديد ؟ خلود ؟ هل سيقابل من سبقوه إلي الرحله ؟ عاصفة لا تنتهي من الاسئله .. كم تمني لو عاد إليه أي ممن فارقوه ليخبره ................. يتبع

نص الرسمه

2011-04-18T16:03:00.000-07:00

نفس المشهد بالظبط ... البحر والوحده والبرد ، بس المرادي الجاني أو المجرم أو الفاعل مختلف ... ساعات بتوصل لدرجه من الغضب تخليك تقع في بئر الجنون بسهوله ولما تقع في بئر الجنون مبترتويش أبدا من الحماقات بس علي أي حال لازم تبقي عارف ان اللوحه اللي بيرسموها اتنين مينفعش واحد فيهم يقطعها لوحده من غير رأي التاني ... ولو قطعت اللوحه دي لوحدك ثق تمام الثقه انك علشان تكفر عن ذنبك هتفضل تحاول تجمع الأجزاء المتقطعه طول عمرك ومش هتنجح ... لأنك ببساطه فقدت احساسك بنص الرسمه ... نص الرسمه اللي راح معاه نص روحك واللي برضه هتفضل تدور عليه كتير ومش هتلاقيه مهما عملت يعني : مرحبا بيك في عالم الشتات .. العالم اللي كل الوجع فيه من جواك وكل حلوه ومره من جواك ... هناك في الشتات : أوتار الكمان كرباج مبيرحمش ضهرك المحني من كتر مافضلت تدور عالرسمه ، كل المناظر اللي كانت بتفرحك وتريحك فجأة بتبقي تراب بيتنفخ ف عينك فتضطر تقفلها عن كل الحاجات الحلوة اللي كنت بتحب تشوفها ... حاجاتك القديمه : الورق والاقلام وتذاكر السينما وتذاكر السفر وأغانيك المفضله حتي المكان اللي بتكتب فيه دلوقت وغيرها كتير بتتحول ببطئ لدبابيس بتنغرز في جميع أنحاء جسمك بلا هواده ... مخرجك مش انك تتأوه لأن الآهات ساعتها برضه بتبقي مؤلمه لأنك وحدك اللي بتسمعها

مقدامكش حلول ... غير انك تتطهر ، والرحله هتعرفك ازاي تعمل كده

إنسان

2011-04-02T16:22:00.001-07:00

وانت قاعد وقدامك ورقة وقلم بيبقي عندك احساس غريب بيخليك عايز تكتب حتي لو مش عارف هتكتب إيه ، بتمسك القلم وتفكر وتلاقيك لا شعوريا بتكتب اسم البنت اللي انت بتحبها ، آخر حلم حلمته ، أسماء أصحابك ، أرقام تليفوناتهم ، تشخبط المهم تكون بتكتب .... وبعد شوية شخبطه وكلمات مالهاش دعوة ببعض رغبتك في الكتابه بتهدي وبتسيب القلم وتقعد تتفرج عاللي انت عملته في الورقه وتحاول تلاقي أي خيط بين الكلمات اللي انت كاتبها ومالهاش دعوه ببعض وبعدين تزهق بس بشوية تأمل ولما ترجع تبص للورقه تاني تحس انك ما كنتش بتشخبط بمزاجك ولا من فراغ ، إنت كنت بتاخد لنفسك صوره .. أيوه دي صورتك من جوه شوية حاجات مالهمش دعوة ببعض وشوية شخابيط : انت اللي بتحب حد بجنون وف نفس الوقت انت برضه بتكره حد تاني وبتحقد علي حد تالت وبتغير من حد رابع ، انت اللي بتشوف حاجات غاية في السوء وتقول عليها حلوة ، وانت اللي مبيعجبكش حاجات كتير جميله ، انت اللي بتقعد تلف وتدور وتتفلسف علشان تفسر سبب حبك لمزيكا بعينها مع إنك اصلا عمرك ما عرفت انت ليه بتحب المزيكا دي بالذات عن غيرها ، انت اللي بتعرض نفسك لمتاعب مالهاش حصر بسبب تهورك وف نفس الوقت بتبص لنفسك علي إنك جبان ، انت اللي شايف نفسك من اشطر الشطار وفكل لحظات الحقيقة بينك وبين نفسك عمرك ما اديت لنفسك غير وصف الخايب ، بتقعد تتنطن بكلام وكلام عن المشاعر النبيله والتسامح وانت برضه اللي عمرك ما اتسامحت مع حد أساء إليك .. انت اللي بتقف قدام المرايه مبتقدرش تضحك لنفسك وفنفس الوقت بتهري كل اللي حواليك ضحك .. إنت مين ؟؟ بيتهيألك انك أبدا مش هتعرف الإجابه دي غير وانت ف لحظاتك الأخيرة بالرغم من إنك عارف كويس انك مش الشخص اللي الناس شايفينه ولا اللي انت شايفه وانك عارف انك ممكن توصف نفسك بكلمه واحده : إنسان ... عمرك ما فهمت الكلمه دي غير لما كتبتها بحروف انجليزي ولقيتها معناها : مجنون ومن اللحظة دي ابتديت تتعامل مع نفسك باعتبارك انسان وتقبل تصرفاتك ومتنزعجش من أحاسيسك .... لما تجيلك رغبة الكتابه تاني وتقعد تكتب حاجات غريبه علي ورقه تانيه وتشخبط عليها هتلاقيها مختلفه تماما عن الورقة الأولانيه بس نفس الروح ونفس الانطباعات الحاجات اللي انت مكتبتهاش المرة اللي فاتت وكتبتها المرادي مش جديده بس كانت غايبه واتوجدت او مكنتش محتاجها واستحضرتها والحاجات اللي كتبها المره اللي فاتت ومكتبتهاش المرادي برضه مش منسيه بس انت مش محتاجها وبالتالي بتغيب عنك ... عمرك مهتقدر ترسم لنفسك صورة واحده مرتين ، كل مرة صورة مختلفة وخطوط مختلفه ودواير مختلفه .... الكلمة اللي عمرك ما كتبتها وانت بتشخبط واللي تضمنلك شبه بين الصور اللي بترسمها لنفسك بس عمرك ما كتبتها ولا هتكتبها هيا كلمة : إنسان